مەجٸلٸس دەپۋتاتى قازىبەك يسا مەملەكەتتٸك تٸلگە قاتىستى دەپۋتاتتىق ساۋالىنا تٷسٸنٸك بەردٸ, دەپ حابارلايدى قازاقپارات.
«بۇل مەسەلە دەپۋتاتتىق ساۋالدان كەيٸن ٷش كٷننەن سوڭ ەلەۋمەتتٸك جەلٸدە كەڭٸنەن تالقىلانىپ كەتتٸ. بٸرشاما بۇرمالانىپ كەتكەن. سول كەزدە جاۋاپ بەرٸپ, تٷسٸندٸرٸپ جازعان ەدٸم. اتاپ ايتقاندا, ول پارلامەنتتە داۋىسقا تٷسكەن ەشقانداي زاڭ ەمەس, ياعني «اق جول» فراكتسيياسىنىڭ (27 سەۋٸردەگٸ) دەپۋتاتتىق ساۋالىن جارييالاعان ەدٸم. ساۋال جارييالاعاندا بارلىعى مەنٸ قولداپ, دەپۋتاتتار ٶز قالاۋىمەن قوسىلدى. قوسىلعانداردىڭ تٸزٸمٸ دەپۋتاتتىق ساۋالدىڭ سوڭىندا جازىلعان», - دەدٸ ول مەجٸلٸستٸڭ جالپى وتىرىسىنان كەيٸن تٸلشٸلەر ساۋالىنا جاۋاپ بەرٸپ.
ٶز كەزەگٸندە دەپۋتات ازات پەرۋاشەۆ مەجٸلٸستە ٶزەكتٸ تاقىرىپ بويىنشا دەپۋتاتتىق ساۋال جارييالانعان كەزدە, كەز كەلگەن دەپۋتات ەشبٸر شەكتەۋسٸز ساۋالدى قولداي الاتىنىن ەسكە سالعان.
«قوعامدا ساۋالدى قولداعان دەپۋتاتتاردى جاقتاپ, قولداماعانداردى سىنعا الا باستادى. نەگٸزٸ, باسقا فراكتسييا دەپۋتاتتارىنىڭ ساۋالىن قولداۋعا ەشكٸم مٸندەتتٸ ەمەس. وعان قاراماستان, باسقا فراكتسييالارداعى كەيبٸر ەرٸپتەستەرٸمٸز ٶزٸنٸڭ ازاماتتىق ۇستانىمىن كٶرسەتٸپ, بۇل ساۋالىمىزدى قولداعانىنا العىس ايتامىز», - دەدٸ پەرۋاشەۆ.
