فوتو: newtimes.kz
TikTok جەلٸسٸندە الەكساندرا ەسٸمدٸ قىز تٸكەلەي ەفير بارىسىندا قازاق تٸلٸ تۋرالى دٶرەكٸ پٸكٸر ايتىپ, ونى ٷيرەنۋدٸڭ قاجەتٸ جوق ەكەنٸن مەلٸمدەدٸ, دەپ حابارلايدى Ult.kz NewTimes.kz-گە سٸلتەمە جاساپ.بۇل وقيعا 2023 جىلى بولعانىمەن, بەينەجازبا ەلەۋمەتتٸك جەلٸلەردە تەك قازٸر كەڭ تاراپ, ۆيرۋس سەكٸلدٸ تارالىپ كەتتٸ. ەسكٸ كادرلاردى مەيرام ەسٸمدٸ قازاقستاندىق ٶز پاراقشاسىندا جارييالاعان. وندا جاسٶسپٸرٸمنٸڭ قۇربىسىمەن بٸرگە تٸكەلەي ەفير ٶتكٸزٸپ, قازاق تٸلٸنە قاتىستى بالاعات سٶزدەر ايتقانى كٶرٸنەدٸ. ەر ادامنىڭ ايتۋىنشا, قىزدىڭ اتى – ساشا, ول كٶكشەتاۋ قالاسىنان شىققان. ەفير كەزٸندە ودان «نەلٸكتەن قازاق تٸلٸن بٸلمەيسٸڭ?» دەپ سۇراعاندا, ساشا:
«مەن ونى بٸلمەيمٸن جەنە ٷيرەنگٸم دە كەلمەيدٸ. مەن ول تٸلدە سٶيلەسپەيمٸن, اللو, ەستٸپ تۇرسىزدار ما? قازاقستاندا تۇرىپ جاتقان ەر ادام قازاق تٸلٸن بٸلۋگە مٸندەتتٸ ەمەس. ماعان ول قاجەت ەمەس, مەن تەك ورىس تٸلٸندە سٶيلەيمٸن. كٸمگە كەرەك بولسا – سول ٷيرەنسٸن. مەن قازاق تٸلٸن كٷنٸ-تٷنٸ وقىپ وتىرۋعا مٸندەتتٸ ەمەسپٸن», – دەپ جاۋاپ بەرگەن.
قىز سونىمەن قاتار ٶزٸنٸڭ بارلىق ورتاسى, سونىڭ ٸشٸندە جٸگٸتٸ دە ورىس تٸلٸندە سٶيلەيتٸنٸن ايتىپ, قازاق تٸلٸن قولدانۋدىڭ ٶزٸنە قاجەتتٸلٸگٸ جوق ەكەنٸن تٷسٸندٸرگەن.
رەداكتسييا بۇل وقيعا بويىنشا كٶكشەتاۋ قالالىق پوليتسييا دەپارتامەنتٸنە ساۋال جولدادى. سوتتىڭ باسپاسٶز قىزمەتٸ مەلٸم ەتكەندەي, سول كەزدە جاسٶسپٸرٸم ەكٸمشٸلٸك جاۋاپكەرشٸلٸككە تارتىلىپ, ايىپپۇل تٶلەگەن.
«ول كەزدە كەمەلەتكە تولماعان, جەرگٸلٸكتٸ وقۋ ورنىنىڭ (كوللەدجدٸڭ) ستۋدەنتٸ بولعان. بٸز ونى ەكٸمشٸلٸك جاۋاپكەرشٸلٸككە تارتتىق – ايىپپۇل سالىندى. قازٸر ول كەمەلەت جاسىنا تولدى جەنە كوللەدجدٸ تەمامدادى», – دەدٸ ۆەدومستۆونىڭ باسپاسٶز حاتشىسى.
ەسكە سالا كەتەيٸك, قازاقستاندا ۇلتتىق بەلگٸلەر بويىنشا قورلاۋ, سونىڭ ٸشٸندە ەلەۋمەتتٸك جەلٸلەردە دە, قىلمىستىق كودەكستٸڭ 174-بابى («ەلەۋمەتتٸك, ۇلتتىق, نەسٸلدٸك, تەكتٸك-توپتىق نەمەسە دٸني الاۋىزدىقتى قوزدىرۋ») بويىنشا قىلمىستىق جاۋاپكەرشٸلٸككە ەكەپ سوعۋى مٷمكٸن.
مىسالى, بيىلعى جازدا قاراعاندى وبلىسىندا كەسٸپكەر اليكا مۇحامەديەۆا قازاقتار مەن قازاق تٸلٸنە قاتىستى قورلايتىن سٶزدەر ايتقاننان كەيٸن داۋعا قالعان بولاتىن. كەيٸن ونى "ۇلتارالىق ارازدىقتى قوزدىرۋ" كٷدٸگٸمەن ۋاقىتشا ۇستاۋ يزولياتورىنا قاماعان. قازٸر ونىڭ ٸسٸ بويىنشا سوت وتىرىسى جالعاسىپ جاتىر, ال پروكۋرورلار 4,5 جىل باس بوستاندىعىنان ايىرۋدى سۇراپ وتىر.
