قازاقستاندا ينتەرنەت پەن ەلەۋمەتتٸك جەلٸلەردەگٸ زاڭسىز كونتەنتكە قارسى كٷرەس جالعاسۋدا. ٸٸم مەلٸمەتٸنشە, تٸكەلەي ەفير كەزٸندە زاڭ بۇزعان 20-دان استام ترەش-ستريمەر ەكٸمشٸلٸك جاۋاپكەرشٸلٸككە تارتىلعان, دەپ حابارلايدى ult.kz.
ۆەدومستۆونىڭ ايتۋىنشا, قارالىم مەن دونات قۋعان ستريمەرلەر بالاعات سٶزدەر ايتىپ, ەدەپسٸز ەرەكەتكە بارعان, قاۋٸپتٸ پرانكتەر ۇيىمداستىرىپ, ٶزگە ادامداردىڭ ار-نامىسىنا تيگەن. مۇنداي كونتەنتتٸڭ كەمەلەتكە تولماعاندارعا دا قولجەتٸمدٸ بولۋى ەرەكشە الاڭداۋشىلىق تۋعىزادى.
مەسەلەن, شىمكەنتتە TikTok ەفيرٸندە بىلاپىت سٶز ايتقان ەر ادام 10 تەۋلٸككە قامالسا, پاۆلوداردا كٶلٸك جٷرگٸزٸپ وتىرىپ ەفيرگە شىققان ستريمەر 20 تەۋلٸككە قاماۋعا الىندى. تالدىقورعان مەن تٷركٸستاندا تاعى ەكٸ ستريمەرگە ەكٸمشٸلٸك ايىپپۇل سالىندى.
ٸٸم ەلەۋمەتتٸك جەلٸدەگٸ جاسىرىن اككاۋنتتار جاۋاپكەرشٸلٸكتەن بوساتپايتىنىن ەسكەرتٸپ, مۇنداي قۇقىقبۇزۋشىلىقتاردىڭ الدىن الۋ جۇمىستارى جالعاساتىنىن مەلٸمدەدٸ.
