بٷگٸن الماتى قالاسى. قازاقستان رەسپۋبليكاسى مەدەنيەت جەنە سپورت مينيسترلٸگٸ تٸل ساياساتى كوميتەتٸنٸڭ تاپسىرماسىمەن ش.شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعى «تەرميندەردٸ ٸرٸكتەۋدٸڭ كريتەرييلەرٸ مەن پرينتسيپتەرٸ» رەسپۋبليكالىق ەدٸستەمەلٸك سەمينار ٶتكٸزدٸ, – دەپ حابارلايدى ۇلت اقپارات.
رەسپۋبليكالىق ەدٸستەمەلٸك سەميناردىڭ ٶزەكتٸلٸگٸ – قازاقستان رەسپۋبليكاسىندا تٸلدەردٸ قولدانۋ مەن دامىتۋدىڭ 2011-2019 جىلدارعا ارنالعان مەملەكەتتٸك باعدارلاماسىن ٸسكە اسىرۋ ماقساتىندا قازاق تٸلٸن عىلىم تٸلٸ رەتٸندە دامىتۋ ٷشٸن تەرميندەردٸ بٸرٸزدەندٸرۋ جەنە ٸرٸكتەۋ كريتەرييلەرٸن بەلگٸلەۋ, پرينتسيپتەرٸن ايقىنداۋ.
سەمينار قر مەدەنيەت جەنە سپورت ۆيتسە-مينيسترٸ ن.دەۋەشوۆتٸڭ كٸرٸسپە سٶزٸمەن اشىلدى.
تەرميندەردٸ ٸرٸكتەۋ مەن رەسمي بەكٸتۋگە قويىلاتىن نەگٸزگٸ تالاپتاردى ايقىنداۋ سەمينارداعى باياندامالاردىڭ باستى تاقىرىبى بولدى. قر ۇعا كوررەسپوندەنت مٷشەسٸ, فيلولوگييا عىلىمدارىنىڭ دوكتورى ش.قۇرمانبايۇلى ٶز بايانداماسىندا تەرميندەردٸ ٸرٸكتەۋدٸڭ كريتەرييلەرٸن جەنە پرينتسيپتەرٸن بەلگٸلەۋ مەسەلەسٸن كٶتەرٸپ, ناقتى ۇسىنىستارىن جەتكٸزدٸ.
كەلەسٸ بايانداماشى ا.بايتۇرسىنۇلى اتىنداعى تٸل بٸلٸمٸ ينستيتۋتىنىڭ عىلىمي قىزمەتكەرٸ, فيلولوگييا عىلىمدارىنىڭ دوكتورى ق.كٷدەرينوۆا جاڭا ەلٸپبيگە كٶشۋ بارىسىنداعى تەرميندەردٸڭ جازىلۋ ٷلگٸسٸ مەسەلەسٸنە توقتالدى.
قازاق تٸلٸ ەلٸپبيٸن لاتىن گرافيكاسىنا كٶشٸرۋ جٶنٸندەگٸ ۇلتتىق كوميسسييا جانىنداعى تەرمينولوگييالىق جۇمىس توبىنىڭ مٷشەسٸ, فيلولوگييا عىلىمدارىنىڭ دوكتورى ق.ايداربەك تەرمينولوگييانىڭ تٸلدٸك نورماتيۆتٸك شارتتارىن تالقىعا سالدى.
ەلٸمٸزدەگٸ تانىمال عالىمدار اتسالىسىپ جاتقان «قازاق تٸلٸندەگٸ 100 جاڭا وقۋلىق» جوباسىن ٸسكە اسىرۋ بارىسىندا كەزدەسكەن قيىنشىلىقتار مەن ولاردى شەشۋ جولدارى جايىندا سٶز العان ۇلتتىق اۋدارما بيۋروسىنىڭ رەداكتورى, فيلوسوفييا عىلىمدارىنىڭ كانديداتى ە.قۇرانبەك ٶز تەجٸريبەسٸمەن بٶلٸستٸ.
ش.شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعى قولدانبالى لينگۆيستيكا باسقارماسىنىڭ باسشىسى, فيلولوگييا عىلىمدارىنىڭ كانديداتى س.يتەعۇلوۆا تەرمينتانۋ عىلىمىنىڭ بٷگٸنگٸ احۋالى مەن تەرمينجاسامنىڭ باستى قاعيدالارى بويىنشا كٶپشٸلٸككە اقپارات بەرۋگە ارنالعان ەلەكتروندىق الاڭدى تانىستىردى.
سونداي-اق اتالعان ەدٸستەمەلٸك سەميناردا بٸرقاتار عالىمدار مەن سالا ماماندارى سٶز الىپ, ٶز پٸكٸرلەرٸن بٸلدٸردٸ.
ٸسشاراعا پرەزيدەنت ەكٸمشٸلٸگٸنٸڭ جاۋاپتى قىزمەتكەرلەرٸ, جەتەكشٸ عالىمدار, قازاقستان رەسپۋبليكاسى ٷكٸمەتٸنٸڭ جانىنداعى رەسپۋبليكالىق تەرمينولوگييا كوميسسيياسىنىڭ مٷشەلەرٸ, قازاق تٸلٸ ەلٸپبيٸن لاتىن گرافيكاسىنا كٶشٸرۋ جٶنٸندەگٸ ۇلتتىق كوميسسييا جانىنداعى تەرمينولوگييالىق جۇمىس توبىنىڭ مٷشەلەرٸ, ورتالىق جەنە جەرگٸلٸكتٸ اتقارۋشى ورگانداردىڭ جاۋاپتى قىزمەتكەرلەرٸ, تٸل سالاسى بويىنشا ٶڭٸرلٸك باسقارما باسشىلارى مەن قىزمەتكەرلەرٸ جەنە باق ٶكٸلدەرٸ قاتىستى.
رەسپۋبليكالىق ەدٸستەمەلٸك سەميناردىڭ قورىتىندىسى بويىنشا تەرميندەردٸ ٸرٸكتەۋ كريتەرييلەرٸن بەلگٸلەۋگە, پرينتسيپتەرٸن ايقىنداۋعا باعىتتالعان قارار قابىلداندى.
