ەلٸمٸزدە تەرگەۋ يزولياتورلارىنداعى باقىلاۋ ەكٸ ەسە كٷشەيتٸلدٸ. بۇل تۋرالى قر قىلمىستىق-اتقارۋ جٷيەسٸ كوميتەتٸ تٶراعاسىنىڭ ورىنباسارى مەيرام ايۋباەۆ ايتتى, دەپ حابارلايدى قازاقپارات تٸلشٸسٸ.
«باسىم مٸندەتتەرٸمٸزدٸڭ بٸرٸ – ول قۇقىققا قارسى ٸس-ەرەكەتتەردٸڭ كەز كەلگەن تٷرٸن جويۋ. زاڭنامادا بۇنداي ەرەكەتتەرگە قىلمىستىق جاۋاپتىلىق كٶزدەلگەن. قازاقستان بۇزۋشىلىقتاردىڭ, ونىڭ ٸشٸندە قاتىگەز, ار-نامىستى قورلايتىن جەنە ٶمٸر مەن دەنساۋلىققا قاۋٸپتٸ ەرەكەتتەردٸڭ الدىن الۋ بويىنشا حالىقارالىق مٸندەتتەمەلەردٸ الدى. قازاقستان زاڭناماسى «نەلسون ماندەلا ەرەجەلەرٸ» دەپ اتالاتىن تۇتقىندارعا قاتىستى مينيمالدى ستاندارتتى ەرەجەلەرگە سەيكەس كەلەدٸ. «قاڭتارداعى وقيعالارعا» بايلانىستى قاماۋعا الىنعان ازاماتتاردىڭ ۇستاۋ جاعدايلارىنا قوعامنىڭ نازارى ەرەكشە اۋعان كەزدە بٸز تەرگەۋ يزولياتورلارىنداعى باقىلاۋدى ەكٸ ەسە كٷشەيتتٸك. قوعامدىق مونيتورينگ جٷرگٸزۋگە تولىق مٷمكٸندٸك بەردٸك», - دەدٸ تٶراعا ورىنباسارى ٸشكٸ ٸستەر مينيسترلٸگٸنٸڭ باسپاسٶز قىزمەتٸ الاڭىندا ٶتكەن بريفينگٸدە.
ونىڭ اتاپ ٶتۋٸنشە, قاج كوميتەتٸنە قاراستى مەكەمەلەر جابىق سانالادى. سوندىقتان بۇل جايتا قىلمىستىق-اتقارۋ جٷيەسٸنە دەگەن سەنبەۋشٸلٸكتٸ تۋدىرۋى مٷمكٸن. وسىعان وراي كوميتەت اشىقتىقتى قامتاماسىز ەتۋ ماقساتىندا قوعامدىق-باقىلاۋ كوميسسييالارمەن, ٷكٸمەتتٸك ەمەس ۇيىمدارمەن بٸرگە جۇمىس ٸستەپ جاتىر. ولار قاماۋداعى ازاماتتاردىڭ قۇقىقتارى مەن ۇستاۋ جاعدايلارىنا تەۋەلسٸز مونيتورينگ ٶتكٸزەدٸ.
«مەسەلەن, ولار 13 تەرگەۋ يزولياتورىندا 60-تان استام رەت بولدى. مەكەمەلەردەگٸ بارلىق تۇرعىن, قىزمەتتٸك, كوممۋنالدىق-تۇرمىستىق بٶلمەلەردٸ قوعام مٷشەلەرٸنٸڭ كوميسسيياسى تەكسەرەدٸ. تەرگەۋ يزولياتورلارىنا تٷسكەن بارلىق ادامدار مٸندەتتٸ تٷردە مەديتسينالىق تەكسەرۋدەن ٶتەدٸ», - دەدٸ ول.
ونىڭ دەرەگٸنشە, ادام قۇقىقتارى جٶنٸندەگٸ ۋەكٸل ەلۆيرا ەزٸموۆا, «ادام قۇقىقتارى ٷشٸن حارتييا» قوعامدىق قورىنىڭ باسشىسى جەمٸس تۇرماعامبەتوۆا باستاعان كوميسسييا قوعام مٷشەلەرٸمەن جەنە ادۆوكاتتارمەن بٸرگە تەرگەۋ يزولياتورلارىندا ۇستاۋ جاعدايلارىن تەكسەردٸ. ولار 6 ٶڭٸردە تەرگەۋگە قامالعان 100-دەن استام ادامدى قابىلدادى.
«سونداي-اق, ۇستاۋ جاعدايلارىن مەجٸلٸس, مەسليحات دەپۋتاتتارى مەن جەرگٸلٸكتٸ اتقارۋشى ورگاندار تەكسەردٸ. وسى كەزدەسۋلەردٸڭ نەتيجەسٸندە مەكەمە ەكٸمشٸلٸگٸنە شاعىمدار تٷسكەن جوق», - دەدٸ مەيرام ايۋباەۆ.
