قازاقستاندىق الەكساندر نەدوۆەسوۆ پەن ۋكراينالىق دەنيس مولچانوۆ جۇپتىق سىندا ەلوردادا ٶتٸپ جاتقان Forte Challenger 100 تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".
وسى جارىستىڭ 1-راكەتكالارى بولىپ تٸركەلگەن قازاقستاندىق-ۋكراينالىق جۇپ جارتىلاي فينالدا گەرمانييالىق يۋليان لەنتس – ەكۆادورلىق روبەرتو كيروسپەن كٷش سىناستى.
بٸرٸنشٸ سەتتە گەرمانييالىق-ەكۆادورلىق جۇپ سەتتٸ وينادى – 6:4.
ەكٸنشٸسٸندە ا.نەدوۆەسوۆ پەن د.مولچانوۆ بٸردەن العا كەتٸپ, ەسە قايىردى – 6:3.
تاي-برەيكتە نەدوۆەسوۆ پەن مولچانوۆ ٶز مٷمكٸندٸگٸن جٸبەرگەن جوق – 10:4.
تاعى بٸر قازاقستاندىق دەنيس ەۆسەەۆ ٶزبەكستاندىق دەنيس يستومينمەن بٸرگە جارتىلاي فينالدا امەريكالىقتار ناتان پاشا – ماكس شنۋرمەن كەزدەستٸ.
بٸرٸنشٸ پارتييادا قازاقستاندىق-ٶزبەكستاندىق جۇپ 6:4 ەسەبٸمەن باسىم تٷستٸ. الايدا سول قارقىنىن جالعاستىرا الماي, ەكٸنشٸ سەتتە 1:6 ەسەبٸمەن ەسە جٸبەردٸ.
امەريكالىق جۇپ تارتىستى تاي-برەيكتە جەڭٸستٸ جۇلىپ الدى – 11:9.
وسىلايشا فينالدا ا.نەدوۆەسوۆ – د.مولچانوۆ امەريكالىقتار ن.پاشا – م.شنۋرمەن باس جٷلدەنٸ ساراپقا سالادى.
