تەننيسشٸ ەلەنا رىباكينا ۋحان تۋرنيرٸنٸڭ جارتىلاي فينالىنا شىعا المادى

قازاقستاندىق ەلەنا رىباكينا قىتايداعى ۋحان WTA تۋرنيرٸنٸڭ جارتىلاي فينالىنا شىعا المادى, دەپ حابارلايدى "ۇلت اقپارات".

دٷنيەجٷزٸلٸك رەيتينگتە 50-ورىندا تۇرعان ە.رىباكينا شيرەك فينالدا وسى تۋرنيردٸڭ توعىزىنشى, ەلەمنٸڭ 14-راكەتكاسى, بەلارۋس ەلٸنٸڭ ٶكٸلٸ ارينا سوبولەنكومەن كەزدەستٸ.

ٶتكەن جىلى وسى تۋرنيردٸڭ جەڭٸمپازى اتانعان ا.سوبولەنكو بٸرٸنشٸ پارتييادا 4:1 ەسەبٸمەن العا كەتتٸ. ەسەپ 2:4 بولعان مەزەتتە ە.رىباكينا برەيك-پوينتتارىن پايدالانا المادى. اقىرى ارينا باسىمدىلىعىن ساقتاپ قالدى – 6:3.

ەسەسٸنە ەكٸنشٸ سەتتە قازاقستاندىق تەننيسشٸ برەيكپەن العا شىقتى – 2:0. تاعى بٸر برەيك – 4:0. سودان كەيٸن بٸر گەيم بەرگەنٸمەن, ٶز مٷمكٸندٸگٸن مٷلت جٸبەرگەن جوق – 6:1.

ٷشٸنشٸ, شەشۋشٸ پارتييادا ا.سوبولەنكو 5:0 ەسەبٸمەن العا كەتتٸ. بۇل جولى ول 6:1 ەسەبٸمەن ماتچتىڭ نٷكتەسٸن قويدى.

بەسەكە 1 ساعات 43 مينۋتقا سوزىلدى.

ا.سوبولەنكو جٷلدە قورى 2,828 ملن اقش دوللارىنا باعالانعان تۋرنيردٸڭ فينالىنا شىعۋ ٷشٸن ەلەمنٸڭ 1-راكەتكاسى, اۋسترالييالىق ەشلي بارتيمەن شەبەرلٸك بايقاسادى.

ەسكە سالا كەتەيٸك, بۇدان بۇرىن الەكساندر بۋبليكتٸڭ چەندۋ تۋرنيرٸن جەڭٸسپەن باستاپ, بٷگٸن شيرەك فينالىنا شىققانىن جازعان بولاتىنبىز.