قازاقستاننىڭ بٸرٸنشٸ, ەلەمنٸڭ 20-راكەتكاسى ەلەنا رىباكينا US Open تۋرنيرٸن جەڭٸسپەن باستادى, دەپ حابارلايدى "ۇلت اقپارات".
وسى «ٷلكەن دۋلىعا» جارىسىنىڭ 19-راكەتكاسى بولىپ تٸركەلگەن قازاقستاندىق تەننيسشٸ باستاپقى كەزدەسۋٸن رەيتينگتە 90-ساتىداعى بەلارۋس ٶكٸلٸ الەكساندرا ساسنوۆيچپەن ٶتكٸزدٸ.
بٸرٸنشٸ پارتييادا قوس برەيك جاساعان رىباكينا قارسىلاسىنا دەس بەرگەن جوق – 6:2.
ەكٸنشٸ سەتتە ەسەپ 4:3 بولعان مەزەتتە قازاقستاندىق تەننيسشٸ برەيك جاساي بٸلدٸ. سوسىن ماتچقا دوپ بەرگەندە, مٷمكٸندٸگٸن جٸبەرگەن جوق – 6:3.
رىباكينا 1 ساعات 15 مينۋتقا سوزىلعان بەسەكە بارىسىندا 10 ەيس جاساپ, 10 برەيك-پوينتتىڭ ٷشەۋٸن پايدالاندى. برەيك جاساي الماعان قارسىلاسى 1 ەيسپەن شەكتەلدٸ.
وسىلايشا وتانداسىمىز ەكٸنشٸ اينالىمدا ەلەمنٸڭ 62-راكەتكاسى, فرانتسييالىق كارولين گارسييا نەمەسە رەيتينگتە 151-ورىندا تۇرعان ۇلىبريتانييالىق حەرريەت دارتتىڭ بٸرەۋٸمەن شەبەرلٸك بايقاسپاق.
