ەلوردادا تەننيستەن Forte Challenger 125 تۋرنيرٸ قازاقستاندىقتار ٷشٸن سەتسٸز ٶتۋدە, دەپ حابارلايدى "ۇلت اقپارات".
ەلەمنٸڭ 96-ىنشى, وسى دودانىڭ 3-راكەتكاسى ميحايل كۋكۋشكين دٷنيەجٷزٸلٸك رەيتينگتە 179-ورىندا تۇرعان پورتۋگالييالىق فرەدەريكو فەررەيرا سيلۆامەن كورتقا شىقتى.
بۇل ويىندا م.كۋكۋشكين قارسىلاسىنا 3:6, 5:7 ەسەبٸمەن ەسە جٸبەردٸ. ول بٸر اپتا بۇرىن دا ەلورداداعى وسىنداي تۋرنيردە العاشقى اينالىمنان اسا الماعان بولاتىن.
تاعى بٸر قازاقستاندىق دەنيس ەۆسەەۆ جاپونييالىق تاتسۋما يتودان 4:6, 6:2, 3:6 ەسەبٸمەن ۇتىلدى.
جەكسەنبٸ كٷنٸ تٶرت بٸردەي قازاقستاندىق ٸرٸكتەۋ سايىستارىندا-اق جولدان شىعىپ قالدى.
ەرتەڭ قازاقستاندىقتار تيموفەي سكاتوۆ پەن دميتريي پوپكو ٶزارا كەزدەسٸپ, قاي جەڭگەنٸ ەكٸنشٸ اينالىمعا شىعادى.
سونداي-اق الەكساندر نەدوۆەسوۆ جارىسقا ٸرٸكتەۋ سايىستارىنان كەيٸن قوسىلعان ۋكراينالىق ۆلاديسلاۆ مانافوۆتىڭ شاماسىن بايقاپ كٶرەدٸ.
د.ەۆسەەۆ ٶزبەكستاندىق اتتاسى دەنيس يستومينمەن بٸرگە جۇپتىق سىندا وسى دودانىڭ 1-راكەتكالارى, امەريكالىقتار دجەكسون ۋيزروۋ – ناتانيەل لەممونسپەن شەبەرلٸك بايقاسادى.
نۇر-سۇلتان 2 تۋرنيرٸ 7 ناۋرىزدا مەرەگە جەتەدٸ.
