Elordada tennisten Forte Challenger 125 týrniri qazaqstandyqtar úshin sátsiz ótýde, dep habarlaidy "Ult aqparat".
Álemniń 96-ynshy, osy dodanyń 3-raketkasy Mihail Kýkýshkin dúniejúzilik reitingte 179-orynda turǵan portýgaliialyq Frederiko Ferreira Silvamen kortqa shyqty.
Bul oiynda M.Kýkýshkin qarsylasyna 3:6, 5:7 esebimen ese jiberdi. Ol bir apta buryn da elordadaǵy osyndai týrnirde alǵashqy ainalymnan asa almaǵan bolatyn.
Taǵy bir qazaqstandyq Denis Evseev japoniialyq Tatsýma Itodan 4:6, 6:2, 3:6 esebimen utyldy.
Jeksenbi kúni tórt birdei qazaqstandyq irikteý saiystarynda-aq joldan shyǵyp qaldy.
Erteń qazaqstandyqtar Timofei Skatov pen Dmitrii Popko ózara kezdesip, qai jeńgeni ekinshi ainalymǵa shyǵady.
Sondai-aq Aleksandr Nedovesov jarysqa irikteý saiystarynan keiin qosylǵan ýkrainalyq Vladislav Manafovtyń shamasyn baiqap kóredi.
D.Evseev ózbekstandyq attasy Denis Istominmen birge juptyq synda osy dodanyń 1-raketkalary, amerikalyqtar Djekson Ýizroý – Nataniel Lemmonspen sheberlik baiqasady.
Nur-Sultan 2 týrniri 7 naýryzda márege jetedi.
