تەننيستەن قازاقستان قۇراماسىنىڭ كاپيتانى اۋىستى, دەپ حابارلايدى "ۇلت اقپارات".
قازاقستان تەننيس فەدەراتسيياسىنىڭ پرەزيدەنتٸ بولات ٶتەمۇراتوۆتىڭ شەشٸمٸمەن الداعى جىلى دەۆيس كۋبوگىندا ەل قۇراماسىنا دياس دوسقاراەۆتىڭ ورنىنا يۋريي ششۋكين جەتەكشٸلٸك ەتەتٸن بولادى.
قازاقستان تەننيس فەدەراتسيياسى مەلٸم ەتكەنٸندەي, بولات جاميتۇلى قازاقستان ەرلەر قۇراماسىن جەتٸ جىل بويى باسقارعان دياس دوسقاراەۆقا العىسىن بٸلدٸردٸ.
سونىمەن قاتار د.دوسقاراەۆتىڭ ۇيىمنىڭ ۆيتسە-پرەزيدەنتٸ رەتٸندە كٶپتەگەن ەكٸمشٸلٸك مەسەلەلەرٸن شەشۋگە تۋرا كەلەتٸنٸ ايتىلدى.
يۋريي ششۋكين – سپورت شەبەرٸ, قازاقستان تەننيس فەدەراتسيياسىنىڭ اعا باپكەرٸ. قازاقستان ەرلەر قۇراماسىنىڭ دەۆيس كۋبوگى ماتچتارىنا ٶزٸ دە قاتىسقان ول سوڭعى التى جىل بويى جاتتىقتىرۋشىلىق جۇمىسپەن اينالىسىپ كەلەدٸ. ەسٸرەسە, جۇپتىق سىندا ٶنەر كٶرسەتەتٸن اندرەي گولۋبەۆ پەن الەكساندر نەدوۆەسوۆتٸ باپتاۋدا.
يۋ.ششۋكين الداعى جىلى 6-7 ناۋرىزدا نۇر-سۇلتان قالاسىندا قازاقستان قۇراماسى دەۆيس كۋبوگىنىڭ ٸرٸكتەۋ ماتچىندا نيدەرلاندىنى قابىلداعان كەزدە كاپيتاندىق تٸزگٸندٸ قولعا الماق.
ايتا كەتەيٸك, قازاقستاندىق تەننيسشٸلەر الەكساندر بۋبليك پەن ميحايل كۋكۋشكيننٸڭ جاڭارتىلعان رەيتينگتە بۇرىنعى ورىندارى ٶزگەرگەن جوق. سەيكەسٸنشە 56-ىنشى جەنە 67-ساتىدا كەلەدٸ. ال تاعى بٸر قازاقستاندىق دميتريي پوپكو 187-دەن 186-عا كٶتەرٸلدٸ.
ەيەلدەر اراسىندا يۋلييا پۋتينتسەۆا 34-ورنىندا قالسا, ەلەنا رىباكينا بٸر ساتىعا (37-گە) تٶمەندەدٸ. زارينا ديياس بۇرىنعى 77-ورنىندا كەلەدٸ.
قازٸرگٸ كەزدە جاڭا ماۋسىمعا دايىندالىپ جاتقان تەننيسشٸلەر الداعى قاڭتار ايىندا-اق تۋرنيرلەرگە قاتىسا باستايدى.
