ياروسلاۆا شۆەدوۆا تەننيستەن قازاقستان ەيەلدەر قۇراماسىنا باسشىلىق ەتەتٸن بولدى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, يا.شۆەدوۆا باپكەرلٸكپەن قاتار ويىنشى رەتٸندەگٸ جولىن دا جالعاستىرادى.
«قازاقستان تەننيس فەدەراتسيياسىنىڭ پرەزيدەنتٸ بولات ٶتەمۇراتوۆتان وسىنداي ۇسىنىس تٷسۋٸ – مەن ٷشٸن ٷلكەن قۇرمەت. كاپيتاندىقپەن قاتار ويىنشى بولۋ وڭاي ەمەس. جاۋاپكەرشٸلٸكتٸ سەزٸنە وتىرىپ, فەدەراتسييا باسشىلىعى ارتقان سەنٸمدٸ اقتاۋ ٷشٸن بار كٷشٸمدٸ سالامىن», دەدٸ يا.شۆەدوۆا.
ەگٸز سەبيٸ دٷنيەگە كەلۋٸنە بايلانىستى سپورتتا ٷزٸلٸس العان يا.شۆەدوۆا بيىلعى جىل باسىندا كورتقا قايتا ورالدى. 7-8 اقپاندا كورترەيكتە ٶتكەن فەدەراتسييا كۋبوگى ٸرٸكتەۋ كەزەڭٸندە قازاقستان – بەلگييا ماتچىنا قاتىسىپ ٷلگەردٸ.
يا.شۆەدوۆادان بۇرىن قازاقستان ەيەلدەر قۇراماسىنا دياس دوسقاراەۆ جەتەكشٸلٸك ەتتٸ. وقۋعا كەتۋٸنە بايلانىستى د.دوسقاراەۆ قازاقستان تەننيس فەدەراتسيياسىنىڭ ۆيتسە-پرەزيدەنتٸ قىزمەتٸنەن دە بوساتىلدى.
يا.شۆەدوۆا – تەننيستەن ەڭبەك سٸڭٸرگەن سپورت شەبەرٸ, جۇپتىق سىندا ەكٸ مەرتە «ٷلكەن دۋلىعا» (ۋيمبلدون, اقش اشىق چەمپيوناتى – 2010) تۋرنيرٸنٸڭ جەڭٸمپازى, بەس دٷركٸن فيناليسٸ, WTA جارىستارىنىڭ 15 مەرتە چەمپيونى, 2014 جىلعى ازييا ويىندارىنىڭ قولا جٷلدەگەرٸ.
ياروسلاۆا 2012 جىلى ەلەمدٸك رەيتينگتە قازاقستان ٷشٸن رەكوردتىق 25-ورىنعا كٶتەرٸلگەن بولاتىن. بۇل نەتيجەنٸ بيىل تاعى بٸر قازاقستاندىق ەلەنا رىباكينا قايتالادى. قازٸرگٸ كەزدە سانكت-پەتەربۋرگتە ٶنەر كٶرسەتٸپ جاتقان ە.رىباكينانىڭ ٶز كٶرسەتكٸشٸن ودان سايىن جاقسارتاتىنداي مٷمكٸندٸگٸ بار.
ەسكە سالا كەتەيٸك, بۇدان بۇرىن الەكساندر بۋبليكتٸڭ روتتەردام تۋرنيرٸنٸڭ شيرەك فينالىنا شىعا الماعانىن جازعان بولاتىنبىز.
