قازاقستاندىق اندرەي گولۋبەۆ جۇپتىق سىندا تريەستە (يتالييا) چەللەندجەر تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".
وسى جارىستىڭ بٸرٸنشٸ راكەتكاسى بولىپ تٸركەلگەندٸكتەن, ا.گولۋبەۆ ۋرۋگۆايلىق اريەل بەحارمەن بٸرگە دودانى بٸردەن شيرەك فينالدان باستادى.
وندا يتالييالىق لورەنتسو دجۋستينو مەن ارگەنتينالىق ماركو ترۋنگەلليتيدٸ 6:0, 6:2 ەسەبٸمەن وڭاي ۇتتى.
قازاقستاندىق-ۋرۋگۆايلىق جۇپ فينالعا شىعۋ ٷشٸن گەرمانييالىقتار ياننيك حانفمانن جەنە ماكسيميليان مارتەرەرمەن تالاسادى.
تريەستە تۋرنيرٸ 30 تامىز كٷنٸ مەرەگە جەتٸپ, جەڭٸمپاز انىقتالادى.
تاعى بٸر قازاقستاندىق, رەيتينگتە 178-ورىنداعى دميتريي پوپكو جەكەلەي سىندا چەحييادا ٶتٸپ جاتقان پراگا 2 چەللەندجەر جارىسىنىڭ شيرەك فينالىنا شىقتى. ول ەلەمدٸك رەيتينگتە 161-ساتىدا تۇرعان فرانتسييالىق ارتۋر ريندەركنەحتٸ جەڭسە, جارتىلاي فينالعا جولداما الادى.
