تەننيس: بۋبليك رولان گارروس تۋرنيرٸندە ۇتىلىپ قالدى

قازاقستاننىڭ بٸرٸنشٸ, ەلەمنٸڭ 49-راكەتكاسى الەكساندر بۋبليك رولان گارروس تۋرنيرٸنٸڭ ٷشٸنشٸ اينالىمىنا ٶتە المادى, دەپ حابارلايدى "ۇلت اقپارات".

باستاپقى كەزدەسۋٸندە ەلەمنٸڭ 9-راكەتكاسى, فرانتسييالىق گاەل مونفيستٸ ۇتىپ, كٷتپەگەن نەتيجە كٶرسەتكەن قازاقستاندىق تەننيسشٸ سول جەڭٸستٸ جولىن جالعاستىرا المادى.

بۇل جولى بۋبليككە ەلەمنٸڭ 46-راكەتكاسى, يتالييالىق لورەنتسو سونەگو قارسى تۇردى.

بٸرٸنشٸ پارتييا قارسىلاستار قاتتى تٸرەسٸپ, تاي-برەيككە دەيٸن جەتتٸ, وندا ل.سونەگو ەبجٸلدٸك تانىتتى – 7:6 (10:8).

يتالييالىق تەننيسشٸ ەكٸنشٸ سەتتٸ وڭاي الدى – 6:1.

ٷشٸنشٸ پارتييادا ەسەپ 5:3 بولىپ, سونەگو ماتچقا دوپ بەرگەندە, بۋبليك برەيك جاساي الدى. الايدا قارسىلاسى ماتچتى تاعى بٸر برەيكپەن تٷيٸندەدٸ – 7:5.

بٸرشاما تارتىستى ٶربٸگەن ويىن 2 ساعات 24 مينۋتقا سوزىلدى.

ل.سونەگو ٷشٸنشٸ اينالىمدا ەلەمنٸڭ 30-راكەتكاسى, امەريكالىق تەيلور فريتتسپەن كٷش سىناسادى. ول مولدوۆالىق رادۋ البوتتى 6:3, 6:2, 6:4 ەسەبٸمەن تٸزە بٷكتٸردٸ.

وسىلايشا فرانتسييا اشىق چەمپيوناتىندا جەكەلەي سىندا قازاقستاننان ەلەنا رىباكينا عانا قالدى.