تەڭٸز كەنٸشٸنٸڭ تاعى دا توعىز جۇمىسشىسىنان كوروناۆيرۋس تابىلعان. بۇل اقپاراتتى جەكسەنبٸدە اتىراۋ وبلىسىنىڭ تج بويىنشا جەدەل شتابى حابارلادى.
كوروناۆيرۋس جۇقتىرعانداردىڭ سەگٸزٸ 24 پەن 51 جاس ارالىعىنداعى ەركەك, بٸرەۋٸ 1983 جىلى تۋعان ەيەل.
كوروناۆيرۋس انىقتالعانعا دەيٸن توعىز جۇمىسشى دا بۇرىن كوروناۆيرۋس جۇقتىرعاندارمەن قارىم-قاتىناستا بولۋىنا بايلانىستى ستاتسيونار كارانتيندە جاتقان.
ۆيرۋس جۇقتىرعانداردىڭ جاعدايى قاناعاتتانارلىق دەپ حابارلايدى شتاب. 26 سەۋٸردەگٸ مەلٸمەت بويىنشا اتىراۋ وبلىسىنداCOVID-19 جۇقتىرعان 117 ادام بار, 40 ادام جازىلعان.
وسى ايدىڭ باس كەزٸندە تەڭٸز كەنٸشٸندە جۇمىس ٸستەيتٸن مەردٸگەر مەكەمەلەردٸڭ كەم دەگەندە ەكٸ قىزمەتكەرٸنەن كوروناۆيرۋس ينفەكتسيياسى تابىلعانى حابارلانعان.
