اتىراۋ وبلىسىنىڭ تەڭٸز كەن ورنىنداعى جارىلىس قۇبىردىڭ فلانەتستٸ قوسىلىسىنىڭ ٷزٸلۋٸنەن بولعان. بۇل تۋرالى وبلىستىق تٶتەنشە جاعدايلار دەپارتامەنتٸنٸڭ قوعاممەن بايلانىس بٶلٸمٸنەن مەلٸم ەتتٸ, دەپ حابارلايدى قازاقپارات.
بٷگٸن, 6 شٸلدەدە جەرگٸلٸكتٸ ۋاقىتپەن ساعات 9:55-تە تەڭٸز كەن ورنىندا جارىلىس بولىپ, ەكٸ ادام قازا تاپقانىن حابارلاعان بولاتىنبىز.
جارىلىس جىلىوي اۋدانىنىڭ ورتالىعى – قۇلسارى قالاسىنان 150 شاقىرىم قاشىقتاعى تەڭٸز كەن ورنىندا بولعان. جارىلىستىڭ سالدارىنان ٷش ادام جاراقات العان.
«تەڭٸز كەن ورنىنداعى 3-بۋىن زاۋىتىنىڭ 42-ۋچاسكەسٸندە گيدروتەست جٷرگٸزۋ كەزٸندە قۇبىردىڭ فلانەتستٸ قوسىندىسى ٷزٸلگەن. اتالعان جوبانى ٸسكە اسىراتىن مەردٸگەر كومپانييا – «سەنٸمدٸ قۇرىلىس» جشس-دە جۇمىس ٸستەيتٸن 1985 جىلعى ەر ادام وقيعا ورنىندا قازا تاپتى. كەيٸن «تەڭٸزشەۆرويل» جشس-نە قاراستى مەديتسينالىق كلينيكادا «اگروپروم تەحنيكا» جشس-نٸڭ بٸر جۇمىسشىسى قايتىس بولدى. ونىڭ جاسى – 37-دە», -دەپ حابارلادى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
كەن ورنىنداعى جارىلىستان ٷش ادام زارداپ شەككەن. ولار – Onstream Kazakhstan, «سەنٸمدٸ قۇرىلىس» جەنە «مۇقان سەرۆيس» جشس-نٸڭ جۇمىسشىلارى. زارداپ شەككەندەر – 29 جەنە 26-جاستاعى ەر ادامدار.
«جاراقات العان جۇمىسشىنىڭ بٸرٸ – Onstream Kazakhstan جشس-نٸڭ 26 جاستاعى ەر ادام «تەڭٸزشەۆرويل» جشس-نٸڭ ەۋە كەمەسٸمەن اتىراۋ وبلىستىق اۋرۋحاناسىنا جەتكٸزٸلدٸ. قازٸر ناۋقاستىڭ جاعدايى اۋىر دەپ باعالانىپ وتىر. ناۋقاس وبلىستىق اۋرۋحانانىڭ حيرۋرگييا بٶلٸمشەسٸنە جاتقىزىلدى», - دەپ مەلٸم ەتتٸ دەپارتامەنتتٸڭ باسپاسٶز قىزمەتٸنەن.
