مۇنايدىڭ قىمباتتاۋىنا قاراماستان, تەڭگە باعامىنىڭ ەلسٸرەۋٸ جالعاسىپ كەلەدٸ. بۇل تۋرالى قر ۇلتتىق بانكٸنٸڭ تٶراعاسى ەربولات دوساەۆ ايتتى, دەپ حابارلايدى قازاقپارات.
«مۇناي باعاسىنىڭ بٸر باررەل ٷشٸن 84,4 اقش دوللارىنا دەيٸن 7,5%-كە ٶسۋٸنە قاراماستان, ەكونوميكالىق بەلسەندٸلٸكتٸڭ قالپىنا كەلۋٸ مەن فيسكالدىق سەرپٸننٸڭ جالعاسۋىمەن قاتار ۇلتتىق ۆاليۋتا بٸر ايدا بٸر اقش دوللارى ٷشٸن 427,15 تەڭگەگە دەيٸن 0,3%-كە ەلسٸرەدٸ», - دەدٸ ە. دوساەۆ ٷكٸمەت وتىرىسىندا.
بيزنەس پەن حالىق تاراپىنان سۇرانىستىڭ ٶسۋٸ اياسىندا رەسەي تاۋارلارىنىڭ يمپورتى بيىلعى 2-توقساندا جىلدىق مەندە 1-توقسانداعى 2,4%-تەن 36,1%-كە دەيٸن ۇلعايدى. بۇل قازاندا تەڭگە باعامىنىڭ بٸر رۋبل ٷشٸن 6,5 تەڭگەگە دەيٸن نەمەسە 3,4%-كە ەلسٸرەۋٸنە الىپ كەلدٸ.
«سونىمەن قاتار, بازالىق ستاۆكانىڭ ٶسۋٸ تەڭگەدەگٸ بورىشتىق قۇرالداردىڭ تارتىمدىلىعىن ساقتايدى, وعان بەيرەزيدەنتتەردٸڭ قازاندا قازاقستان رەسپۋبليكاسىندا مەملەكەتتٸك باعالى قاعازدارعا سالىمدارىنىڭ 863 ملرد تەڭگەگە دەيٸن 75 ملرد تەڭگەگە ٶسۋٸ دەلەل بولادى. شەتەلدٸك ينۆەستورلار تاراپىنان شەتەل ۆاليۋتاسىنىڭ قوسىمشا ۇسىنىسى نارىقتىڭ ٶتٸمدٸلٸگٸن جاقسارتۋعا جەنە سۇرانىستى ٸشٸنارا قاناعاتتاندىرۋعا ىقپال ەتەدٸ», - دەدٸ ۇلتتىق بانك تٶراعاسى.
ونىڭ ايتۋىنشا, يمپورتتىڭ ٶسۋٸ اياسىندا ۆاليۋتاعا ورنىقتى سۇرانىس, ونىڭ شەكتەۋلٸ ۇسىنىسى جەنە سىرتقى نارىقتارداعى قۇبىلمالىلىعى تەڭگە باعامىنا قىسىم جاساۋدى جالعاستىرادى.
