قازاقستاندىق دەپوزيتتەرگە كەپٸلدٸك بەرۋ قورى 2020 جىلدىڭ قازان ايىنا تەڭگەلٸك دەپوزيتتەر بويىنشا ەڭ جوعارى ۇسىنىلاتىن سىياقى مٶلشەرلەمەسٸن بەكٸتتٸ. بۇل تۋرالى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ حابارلايدى.
دەپوزيتتەردٸڭ كٶپشٸلٸگٸ بويىنشا مٶلشەرلەمەلەر بۇرىنعى دەڭگەيٸندە قالدى. مەرزٸمسٸز دەپوزيت بويىنشا مٶلشەرلەمەلەر ۇلتتىق بانكتٸڭ بازالىق مٶلشەرلەمەسٸنە سەيكەس كەلەتٸندٸكتەن, جىلىنا 9 پايىزدىق دەڭگەيدە ساقتالادى.
«تولىقتىرۋ قۇقىعى جوق, 24 ايعا ارنالعان مەرزٸمدٸ جەنە جيناق دەپوزيتتەر بويىنشا عانا نارىقتىق مٶلشەرلەمە ٶزگەرٸسكە ۇشىرادى. سەيكەسٸنشە وسى سالىمدار بويىنشا ۇسىنىلعان ەڭ جوعارى مٶلشەرلەمە قايتا قارالدى.
مەملەكەتتٸك باعالى قاعازداردىڭ تابىستىلىق اۋىتقىماسىنىڭ ٶزگەرۋٸ (مەرزٸمدەر اراسىنداعى سپرەدتٸڭ قىسقارۋى), سەيكەسٸنشە تولىقتىرۋ قۇقىعى قۇنىنىڭ جوسپارلى تٷردە قايتا قارالۋى نەتيجەسٸندە تولىقتىرۋ قۇقىعى بار, 1 جەنە 2 جىلعا ارنالعان مەرزٸمدٸ جەنە جيناق دەپوزيتتەردٸڭ شەكتٸ مٶلشەرلەمەسٸ ٶستٸ. دەپوزيتتٸڭ وسى تٷرلەرٸ مەرزٸمسٸز سالىمدارمەن سالىستىرعاندا تارتىمدى بولا تٷسۋدە», – دەپ حابارلادى قوردىڭ باسپاسٶز قىزمەتٸ.
