Qazaqstandyq depozitterge kepildik berý qory 2020 jyldyń qazan aiyna teńgelik depozitter boiynsha eń joǵary usynylatyn syiaqy mólsherlemesin bekitti. Bul týraly "Ult aqparat" qordyń baspasóz qyzmetine silteme jasap habarlaidy.
Depozitterdiń kópshiligi boiynsha mólsherlemeler burynǵy deńgeiinde qaldy. Merzimsiz depozit boiynsha mólsherlemeler Ulttyq banktiń bazalyq mólsherlemesine sáikes keletindikten, jylyna 9 paiyzdyq deńgeide saqtalady.
«Tolyqtyrý quqyǵy joq, 24 aiǵa arnalǵan merzimdi jáne jinaq depozitter boiynsha ǵana naryqtyq mólsherleme ózgeriske ushyrady. Sáikesinshe osy salymdar boiynsha usynylǵan eń joǵary mólsherleme qaita qaraldy.
Memlekettik baǵaly qaǵazdardyń tabystylyq aýytqymasynyń ózgerýi (merzimder arasyndaǵy spredtiń qysqarýy), sáikesinshe tolyqtyrý quqyǵy qunynyń josparly túrde qaita qaralýy nátijesinde tolyqtyrý quqyǵy bar, 1 jáne 2 jylǵa arnalǵan merzimdi jáne jinaq depozitterdiń shekti mólsherlemesi ósti. Depozittiń osy túrleri merzimsiz salymdarmen salystyrǵanda tartymdy bola túsýde», – dep habarlady qordyń baspasóz qyzmeti.
