تەمٸرتاۋدا فۋتزال تۋرنيرٸندەگٸ جاپپاي تٶبەلەستەن كەيٸن قىلمىستىق ٸس قوزعالدى. تٶبەلەسكە قاتىسۋشىلاردىڭ بارلىعى پوليتسيياعا جەتكٸزٸلدٸ, - دەپ حابارلايدى Tengrinews.kz تٸلشٸسٸ.
قاراعاندى وبلىستىق پد باسپاسٶز قىزمەتٸ فۋتزالدان ٶتكەن تۋرنيردە بولعان جاپپاي تٶبەلەستٸڭ جاي-جاپسارىن حابارلادى. بەلگٸلٸ بولعانداي, ناۋرىز مەرەكەسٸنە ارنالعان جارىس 21 ناۋرىز كٷنٸ تەمٸرتاۋداعى سپورت كەشەندەرٸنٸڭ بٸرٸندە ۇيىمداستىرىلعان.
"پوليتسييا قىزمەتكەرلەرٸ سوتقا دەيٸنگٸ تەرگەۋ بارىسىندا تٶبەلەسكە قاتىسۋشىلاردىڭ بارلىعىن انىقتادى. تۋرنير ەۋەسقوي فۋتزال كوماندالارى اراسىندا ۇيىمداستىرىلعانى بەلگٸلٸ بولدى. ەكٸ كوماندا اراسىنداعى ويىن كەزٸندە سپورتشىلاردىڭ بٸرٸ ەرەجە بۇزىپ, قارسىلاس كوماندانىڭ سپورتشىسىن يتەرٸپ جٸبەرگەن. وسىدان كەيٸن كوماندالاستارىن جاقتاعان ەكٸ كوماندا مٷشەلەرٸ اراسىندا تٶبەلەس شىعا باستاعان", - دەپ حابارلادى قاراعاندى وبلىسى پد باسپاسٶز قىزمەتٸ.
"پوليتسەيلەر قر قىلمىستىق كودەكسٸنٸڭ 293-بابىنىڭ 2-بٶلٸگٸمەن "بٸر توپ ادامدار جاساعان بۇزاقىلىق" بويىنشا قىلمىستىق ٸس قوزعادى. تٶبەلەسكە قاتىسۋشىلاردىڭ بارلىعىنا قاتىستى سوت-مەديتسينالىق ساراپتاما تاعايىنداۋ تۋرالى قاۋلىلار شىعارىلدى. تەرگەۋ امالدارى جٷرگٸزٸلٸپ جاتىر", - دەدٸ پد.
ەسكە سالايىق, بۇعان دەيٸن تەمٸرتاۋدا فۋتزالدان ەكٸ كوماندا – "يمستالكون" مەن "اق جول" ويىنشىلارى تٶبەلەسكەنٸ حابارلانعان بولاتىن. ەلەۋمەتتٸك جەلٸدە تٶبەلەستٸڭ ۆيدەوسى تاراپ كەتتٸ. وقيعا ناۋرىز مەيرامىن تويلاۋعا ارنالعان تۋرنيردە بولعان. جانكٷيەرلەر دە ويىنشىلارعا قوسىلىپ تٶبەلەسكە قاتىسقان.
