تەمٸرلان اناربەكوۆ چەمپيوندار ليگاسىنىڭ ٷزدٸك بەس قاقپاشىسىنىڭ قاتارىنا ەندٸ

فوتو: Instagram.com

الماتىنىڭ «قايرات» كلۋبىنىڭ قاقپاشىسى تەمٸرلان اناربەكوۆ ۋەفا چەمپيوندار ليگاسىنىڭ 2025/26 ماۋسىمىنداعى جالپى كەزەڭ قورىتىندىسى بويىنشا ٷزدٸك بەس قاقپاشىنىڭ قاتارىنا ەندٸ, دەپ حابارلايدى Ult.kz.

Sports.kz مەلٸمەتٸنشە, تەمٸرلان اناربەكوۆ چەمپيوندار ليگاسىندا ٶتكٸزگەن التى ماتچتا 36 سەيۆ جاساپ, 13 گول جٸبەرگەن جەنە بٸر ويىندا قاقپاسىن «قۇرعاق» ساقتاعان. وسى كٶرسەتكٸشتەرٸ بويىنشا ول ٷشٸنشٸ ورىندى ارگەنتينا قۇراماسىنىڭ ٶكٸلٸ, «مارسەل» كلۋبىنىڭ قاقپاشىسى حەرونيمو رۋليمەن بٶلٸسٸپ وتىر.

قاقپاشىلار رەيتينگٸنٸڭ كٶشٸن «بۋديو-گليمت» كلۋبىنىڭ گولكيپەرٸ نيكيتا حايكين باستاپ تۇر. ول سەگٸز ماتچتا 49 سەيۆ جاساپ, 15 گول جٸبەرگەن. ەكٸنشٸ ورىندا مادريدتٸك «رەالدىڭ» قاقپاشىسى تيبو كۋرتۋا ورنالاسقان. ونىڭ ەنشٸسٸندە جەتٸ ويىندا 41 سەيۆ, 9 جٸبەرٸلگەن گول جەنە ەكٸ «قۇرعاق» ماتچ بار. ال ٷزدٸك بەستٸكتٸ پراگانىڭ «سلاۆييا» كومانداسىنىڭ ٶكٸلٸ يندرجيح ستانەك تٷيٸندەدٸ — سەگٸز كەزدەسۋدە 34 سەيۆ (ونىڭ بٸرٸ پەنالتيدەن), 16 گول جەنە بٸر «سۋحوي» ويىن.

ايتا كەتەيٸك, تەمٸرلان اناربەكوۆ چەمپيوندار ليگاسىنىڭ جالپى كەزەڭٸندەگٸ العاشقى ەكٸ تۋردى جاراقاتىنا بايلانىستى ٶتكٸزٸپ العان. سول كەزدە «قايرات» قاقپاسىن شەرحان قالمۇرزا قورعاعان بولاتىن.