قازاقستاندا مەكتەپ وقۋشىلارىنا ساباق تەلەارنالار ارقىلى ٶتكٸزٸلۋٸ مٷمكٸن. بۇل جايىندا قر بٸلٸم جەنە عىلىم مينيسترٸ اسحات ايماعامبەتوۆ Facebook-پاراقشاسىندا جازدى, دەپ حابارلايدى "ۇلت اقپارات".
«بٸز ارنايى جۇمىس توبىن قۇردىق. ونىڭ قۇرامىنا قاشىقتان بٸلٸم بەرۋ سالاسىندا جۇمىس ٸستەيتٸن «Bilimland», «DDaryn.online», «كٷندەلٸك», «Univer», «Platonus», «EduPage», بيل, «BTS education», «U-study» جەنە «AGS» سىندى ۇيىمداردىڭ ٶكٸلدەرٸ جەنە پەداگوگتەر, ەدٸسكەرلەر, مەكتەپ ديرەكتورلارى, ديرەكتورلاردىڭ وقۋ ٸسٸ جٶنٸندەگٸ ورىنباسارلارى جەنە جوو پرورەكتورلارى ەندٸ», - دەپ اتاپ ٶتەدٸ مينيستر.
ونىڭ اتاپ ٶتۋٸنشە, بۇل رەتتە جۇمىس بٸرنەشە باعىت بويىنشا جٷرگٸزٸلۋدە. مەسەلەن, تاپسىرمالاردى بەرۋ, ولاردىڭ ورىندالۋىن تەكسەرۋ, باعالاۋ جەنە كەرٸ بايلانىستى قامتاماسىز ەتەتٸن اقپاراتتىق جٷيەلەردٸ ەنگٸزۋ قاراستىرىلىپ جاتىر. بٸلٸم الۋشىلار بەينە-ساباقتارعا قاتىسىپ, تاپسىرمالار الىپ, قاجەت بولعان جاعدايدا پەداگوگتەردٸڭ ٶز سىنىبىمەن ونلاين-تالقىلاۋ, باعالاۋ بويىنشا نەمەسە ۆيدەوستريمينگ سەرۆيستەرٸن پايدالانا الۋىن قامتاماسىز ەتەتٸن جٷيەلەردٸ ٸسكە قوسۋ دا كٶزدەلگەن.
«تەلەارنالار ارقىلى ساباق ٶتكٸزۋگە دايىندالۋدامىز. وندا بەينە-ساباقتار ساباق كەستەسٸنە ساي كٶرسەتٸلەتٸن بولادى. بۇل تەتٸك, ەسٸرەسە, ينتەرنەت قۋاتى ەلسٸز جەنە قاجەتتٸ قۇرال-جابدىقتارعا قاتىستى قيىندىقتارى بار اۋىلدىق بٸلٸم بەرۋ ۇيىمدارى ٷشٸن ٶزەكتٸ. بٸز ٷشٸن بارلىق ساباق ورتا بٸلٸم بەرۋدٸڭ مەملەكەتتٸك جالپىعا مٸندەتتٸ ستاندارتىنا ساي وقۋ باعدارلاماسى بويىنشا, ساباق كەستەسٸنە سەيكەس, تسيفرلىق بٸلٸم بەرۋ رەسۋرستارى بويىنشا ەدٸستەمەلٸك قولداۋمەن جەنە مۋلتيمەديالىق ماتەريالدارمەن قامتاماسىز ەتٸلٸپ, ۇستازدار ٷشٸن الدىن الا ەزٸرلەنگەن جوسپار بويىنشا جٷرگٸزٸلگەنٸ ماڭىزدى. باستىسى, بٸلٸم الۋ تەتٸگٸ ساپاعا ەسەر ەتپەۋٸ قاجەت», - دەدٸ ول.
مينيستر پەداگوگتەر مەن وقۋشىلاردىڭ تسيفرلىق ساۋاتتىلىعىن دامىتۋ قاجەت ەكەندٸگٸ دە باستى نازاردا تۇرعانىن ايتادى. ولار ٷشٸن ارنايى كۋرستار ٶتكٸزٸلٸپ, نۇسقاۋلىقتار ەزٸرلەنەتٸن بولادى. قازٸردٸڭ ٶزٸندە مۇعالٸمدەر ٷشٸن تسيفرلىق رەسۋرستاردى پايدالانۋ بويىنشا بٸراز ۆيدەودەرٸستەر ەزٸرلەندٸ. ينكليۋزيۆتٸك بٸلٸم بەرۋ, جاڭا تەحنولوگييالاردىڭ قولجەتٸمدٸلٸگٸنە قاتىستى پرينتسيپتەر ەسكەرٸلەتٸن بولادى.
«ينتەرنەت پروۆايدەرلەرٸ مەن بايلانىس وپەراتورلارى بويىنشا تسدياٶم-مەن بٸرلەسٸپ جۇمىس جٷرگٸزۋدەمٸز. وسى كەزەڭدە بٸلٸم بەرۋ رەسۋرستارىن پايدالانۋ بارىسىندا ترافيك ەسەپتەلمەگەنٸ دۇرىس. وسى مەسەلە بويىنشا پرەمەر-مينيستر تاراپىنان تيٸستٸ تاپسىرما بەرٸلدٸ جەنە قولداۋ كٶرسەتٸلدٸ. كٶپتەگەن ٸرٸ پلاتفورمالار ٶز قىزمەتتەرٸن تەگٸن ۇسىنىپ جاتىر. بۇل جۇمىسىمىزدى بٸرشاما جەڭٸلدەتتٸ. قازٸرگٸ ۋاقىتتا «Zoom» ستريمينگتٸك سەرۆيسٸ مەن «Coursera» دەپ اتالاتىن ٸرٸ پلاتفورمالاردىڭ بٸرٸ تەگٸن قىزمەت كٶرسەتۋدە. سونداي-اق «Google Classroom», «Hangout», «كٷندەلٸك», «Moodle» جٷيەلەرٸن تەگٸن قولدانۋعا بولادى. سونىمەن قاتار «Bilimland» پلاتفورماسى ٶزٸنٸڭ 40 مىڭنان استام كونتەنتٸن تەگٸن ۇسىندى«, - دەدٸ اسحات ايماعامبەتوۆ.
ونىڭ اتاپ ٶتۋٸنشە, كارقىندى جۇمىس جٷرگٸزٸلۋدە.
«كەيدە ەرتٷرلٸ تەسٸلدەر مەن شەشٸمدەردٸ قابىلداۋدى قاجەت ەتەدٸ. بٸز 5 سەۋٸرگە دەيٸن اقپاراتتىق جٷيەلەردٸ دايىنداپ ٷلگەرۋٸمٸز كەرەك. ولاردى تيٸستٸ كونتەنتپەن قامتاماسىز ەتٸپ, سىناپ كٶرۋٸمٸز قاجەت. سونداي-اق, 6 سەۋٸردەن باستاپ قاجەت بولعان جاعدايدا جاڭا فورماتتا ساباق الۋعا بەيٸمدەۋگە تيٸسپٸز. وقۋشىلارمەن, ستۋدەنتتەرمەن, اتا-انالارمەن جەنە پەداگوگتەرمەن بٸرٸگٸپ قاشىقتان وقىتۋدىڭ ساپالى جٷيەسٸن قۇرا الاتىندىعىمىزعا سەنٸمدٸمٸن. ەڭ باستىسى, بٸز ەردايىم كەرٸ بايلانىستى, ۇسىنىستار مەن تىڭ يدەيالاردى قۋانا قابىلداۋعا دايىنبىز», - دەدٸ ول.
