اقش-تىڭ وڭتٷستٸگٸندەگٸ تەحاس شتاتى يۋۆالدە قالاسىنداعى باستاۋىش مەكتەپكە قارۋلى شابۋىل جاسالىپ, كەمٸندە 19 بالا جەنە بٸر مۇعالٸم قازا بولدى. ەزٸرگە تولىق ەمەس مەلٸمەتكە قاراعاندا, كٷدٸكتٸنٸ پوليتسييا اتىپ ٶلتٸرگەن. بۇل جٶنٸندە CBS اگەنتتٸگٸ حابارلادى.
رەسمي ورىنداردىڭ حابارلاۋىنشا, 18 جاستاعى شابۋىلداۋشى سالۆادور راموس باستاۋىش مەكتەپكە شابۋىل جاساماي تۇرىپ ەجەسٸنٸڭ ٷيٸندە وق اتقان.
جاسٶسپٸرٸم مەكسيكا شەكاراسىنا جاقىن يۋۆالدە قالاسىندا ستۋدەنت بولعان.
"ول ەۋەلٸ ەجەسٸنٸڭ ٷيٸندە وعان وق اتقان" دەدٸ تەحاس قوعام قاۋٸپسٸزدٸگٸ دەپارتامەنتٸنٸڭ ٶكٸلٸ ەريك ەسترادا. ونىڭ سٶزٸنە قاراعاندا, ەجەسٸ ەۋە ۇشاعىمەن اۋرۋحاناعا جەتكٸزٸلگەن. 66 جاستاعى ەيەلدٸڭ جاعدايى اۋىر دەپ ايتىلادى.
اقپاراتقا قاراعاندا, ەجەسٸنٸڭ ٷيٸنەن شىققاننان كەيٸن سالۆادور راموستىڭ كٶلٸگٸ جولشىباي باستاۋىش مەكتەپتٸڭ ماڭىنداعى ارىققا تىعىلعان. بۇدان سوڭ راموس قارۋىمەن مەكتەپكە كٸرٸپ, وق اتقان.
وقيعا سەيسەنبٸ, 24 مامىردا بولعان. باستاۋىش مەكتەپتە 7 مەن 10 جاس ارالىعىنداعى بالالار وقيدى. شابۋىل كەزٸندە كەمٸندە 15 ادام زارداپ شەككەن.
"شابۋىلعا قانداي وقيعانىڭ تٷرتكٸ بولعانى بەلگٸسٸز. قالا تۇرعىندارى مەن مەكتەپ وقۋشىلارىنىڭ باسىم بٶلٸگٸنٸڭ تەگٸ يسپان. وقۋشىلاردىڭ كٶبٸ تۇرمىسى ناشار وتباسىلاردان شىققان" - دەپ جازدى The Texas Tribune سايتى.
وقيعا جايلى پرەزيدەنت دجو بايدەنگە حابار بەرٸلدٸ. بۇل - شتات تاريحىنداعى ەڭ قاندى شابۋىلداردىڭ بٸرٸ. 1966 جىلى تەحاس ۋنيۆەرسيتەتٸنٸڭ مۇناراسىنداعى اتىستان 16 ادام قازا بولعان. 2018 جىلى سانتا فە ورتا مەكتەبٸندەگٸ اتىستان ون ادام وپات بولعان.
