كٶرنەكٸ سۋرەت: pixabay
جەتٸسۋ وبلىسى تەكەلٸ قالاسىنداعى مەكتەپتەردٸڭ بٸرٸندە 7-سىنىپ وقۋشىلارىنا ەرەسەكتەرگە ارنالعان بۋكلەتتەر تاراتىلعان. وقۋ ورنىندا پسيحولوگ بالالارعا بۋللينگ, كيبەربۋللينگ تاقىرىبىن تٷسٸندٸرۋ بويىنشا جۇمىس جٷرگٸزگەن, - دەپ حابارلايدى Tengrinews.kz سايتى.
وقيعا تەكەلٸ قالاسىنىڭ №8 مەكتەبٸندە بولعان. اتا-انالار 7-سىنىپ وقۋشىلارىنا تاراتىلعان بۋكلەتتەرگە شاعىمدانعان. جەلٸدە سۋرەتتەر تاراپ, ول حالىقتىڭ نارازىلىعىن تۋعىزعان. بۇل تٸپتٸ ەرەسەكتەر ٷشٸن ەرسٸ كٶرٸنگەن.
"قانداي كليەنت تۋرالى ەڭگٸمە بولىپ جاتىر?", "كليەنت, جۇمىس... بۇل نە? جەزٶكشەلەرگە كٶمەك پە, ەلدە نە?" - دەپ اشۋلانعان جەلٸ قولدانۋشىلارى.
جەتٸسۋ وبلىسى بٸلٸم باسقارماسى مەلٸمەتٸنشە, 7-9 سىنىپ وقۋشىلارىمەن جۇمىس جٷرگٸزٸلٸپ, "بۋللينگ" جەنە "كيبەربۋللينگ" تاقىرىبىندا بەينەروليكتەر كٶرسەتٸلگەن. ساباق بارىسىندا پسيحولوگ "قاتە" بۋكلەتتەر تاراتقان.
"قۇقىقتىق اپتا اياسىندا تەكەلٸ قالاسىنىڭ №8 مەكتەبٸندە 7-9 سىنىپ وقۋشىلارى مەن كەمەلەتكە تولماعاندار جەنە ولاردىڭ قۇقىقتارىن قورعاۋ جٶنٸندەگٸ كوميسسييا حاتشىسىنىڭ, قالالىق اۋرۋحانا پسيحولوگىنىڭ كەزدەسۋٸ ٶتتٸ. قالالىق اۋرۋحانانىڭ پسيحولوگ-دەرٸگەرٸ جيتس ورتالىعى بەكٸتكەن بۋكلەتتەردٸ تاراتقان كەزدە باسقا جاس توپتارىنداعى ناۋقاستارعا ارنالعان بۋكلەتتەردٸ قاتە تاراتقان. وسى جاعدايدان كەيٸن قالالىق اۋرۋحانا ەكٸمشٸلٸگٸ مەكتەپ باسشىلىعىمەن بٸرلەسٸپ, اتا-انالارمەن كەزدەسۋ ٶتكٸزٸپ, كەشٸرٸم سۇرادى", - دەپ تٷسٸندٸردٸ باسقارما ٶكٸلٸ.
