قازاقستاندا مەملەكەتتٸك تاپسىرىس نەگٸزٸندە تەگٸن بەرٸلەتٸن دەرٸ-دەرمەك پەن مەديتسينا بۇيىمدارى قاتاڭ باقىلاناتىن بولدى. دەنساۋلىق ساقتاۋ مينيسترلٸگٸ, «ەلەۋمەتتٸك مەديتسينالىق ساقتاندىرۋ قورى» كەاق مەن «سق-فارماتسييا» جشس بٸرلەسكەن جوباسى ٶتكەن جىلدىڭ سوڭىندا سىناقتان ٶتكٸزٸلگەن بولاتىن. بۇل تۋرالى مەديتسينالىق ساقتاندىرۋ قورىنىڭ (مسق) باسپاسٶز قىزمەتٸ حابارلادى.
حابارلاماعا سٷيەنسەك, نوبايلى جوبانى ٸسە اسىرۋ بارىسىندا 191 603 SMS-حابارلاما جٸبەرٸلدٸ. سونىمەن قاتار, ابونەنتتەردەن 8123 جاۋاپ كەلٸپ, ماماندار 1218 قوڭىراۋعا جاۋاپ بەردٸ.
بۇعان دەيٸن حابارلانعانداي, مەديتسينالىق ساقتاندىرۋ قورى بىلتىردان باستاپ كەپٸلدەندٸرٸلگەن تەگٸن كٶمەك پاكەتٸ شەڭبەرٸندە بەرٸلەتٸن دەرٸ-دەرمەك پەن مەديتسينا بۇيىمدارىنا اقى تٶلەۋ تەرتٸبٸن ٶزگەرتكەن بولاتىن. جاڭا تەرتٸپ بويىنشا, دەرٸ قولما-قول بەرٸلگەن جەنە «دەرٸ-دەرمەكپەن قامتاماسىز ەتۋ» اقپاراتتىق جٷيەسٸنە دەرٸنٸڭ بەرٸلگەنٸ تۋرالى بەلگٸ سوعىلعان رەتسەپتٸلەرگە عانا اقى تٶلەنۋٸ تيٸس.
باسپاسٶز مەلٸمدەمەسٸنە سٷيەنسەك, ماۋسىم ايىنىڭ سوڭىنا دەيٸن پاتسيەنتتەرگە SMS-حابارلاما جولدانادى. حابارلاما جٷيەگە 2019 جىلى 1 قاڭتاردان 30 ماۋسىمعا دەيٸن تەگٸن-دەرٸ دەرمەك العاندار رەتٸندە ەنگەن تۇرعىندارعا جٸبەرٸلەدٸ. جالپى العاندا, اقپاراتتىق جٷيەدە كٶرسەتٸلگەن 5,7 ملن تەلەفون نٶمٸرٸنە حابارلاما جٸبەرۋ جوسپارلانىپ وتىر.
حابارلامادا رەتسەپتٸنٸڭ نٶمٸرٸ مەن دەرٸنٸڭ بەرٸلگەن كٷنٸ كٶرسەتٸلەدٸ. پرەپاراتتار شىن مەنٸندە قولىنا تيمەگەن پاتسيەنتتەر SMS-حابارلاماعا جاۋاپ رەتٸندە «0» تسيفرىن جولداي الادى نەمەسە «سق-فارماتسييا» جشس-نٸڭ 1439 بايلانىس نٶمٸرٸنە قوڭىراۋ شالسا بولادى. قوڭىراۋ شالۋ دا, SMS تە – تەگٸن.
«حابارلامانى تەگٸن دەرٸ العان پاتسيەنتتەردٸڭ بەرٸ بٸردەي الادى دەۋ قيىن. سەبەبٸ, ولاردىڭ اراسىندا تەلەفون نٶمٸرلەرٸن قاتە كٶرسەتكەندەر دە بولۋى مٷمكٸن. سوندىقتان تۇرعىندارعا حابارلاما كەلمەگەن جاعدايدا «سق-فارماتسييا» كومپانيياسىنىڭ بايلانىس ورتالىعىنا حابارلاسۋعا بولاتىنىن ەسكەرتەمٸز», - دەدٸ «ەلەۋمەتتٸك مەديتسينالىق ساقتاندىرۋ قورى» كەاق باسقارما تٶراعاسى ايباتىر جۇماعۇلوۆ.
مسق رەسپۋبليكالىق بيۋدجەتتەن قارجىلاندىرىلاتىن تەگٸن مەديتسينالىق كٶمەك (تمككك) پاكەتٸنٸڭ جەنە جۇمىس بەرۋشٸلەر, ازاماتتار مەن مەملەكەت جارناسى ەسەبٸنەن قارجىلاندىرىلاتىن مٸندەتتٸ ەلەۋمەتتٸك مەديتسينالىق ساقتاندىرۋ (مەمس) پاكەتٸنٸڭ وپەراتورى. قور 2018 جىلدان باستاپ تمككك پاكەتٸ شەڭبەرٸندە كٶرسەتٸلگەن مەديتسينالىق كٶمەك اقىسىن تٶلەپ كەلەدٸ. ال, مەمس پاكەتٸ بويىنشا قىزمەت كٶرسەتۋ 2020 جىلى باستالماق.
دەرٸ-دەرمەك پەن مەديتسينالىق بۇيىمداردى ساتىپ الاتىن «سق-فارماتسييا» جشس مەن مسق 2019 جىلى 86,9 ملرد تەڭگەگە كەلٸسٸمشارت بەكٸتكەن. ناۋرىز ايىنىڭ سوڭىنا دەيٸن ەلدەگٸ مەديتسينا ۇيىمدارى 14 ملرد تەڭگەگە رەتسەپت جازىپ بەرگەن, سونىڭ ٸشٸندە 13 ملرد تەڭگەنٸڭ دەرٸسٸ پاتسيەنتتەر قولىنا تيگەن.
