"بوكس, بوكس" دەپ جٷرمٸز, ەلٸ. وليمپياداعا ايالاپ, ەلپەشتەپ 9-10 سپورتشى اپارامىز, جالعىز-اق التىن الامىز. وسىلاي, قانشا وليمپيادا ٶتتٸ. تٶرت جىل سولاردى باپتايمىز. "سٷيەكتٸڭ" مايلىسىن, "ەتتٸڭ" جۇمساعىن ٶزگەلەردەن جىرىپ, سولاردىڭ اۋزىنا توسامىز...
ال انا امەريكانى قاراڭىزدارشى. مەدالٸ مەن جٷلدەسٸ كٶپ سپورت تٷرٸنە يەك ارتادى. بٸز سيياقتى ٶزگەلەردەن بٶلە-جارا باپتاعان ساڭلاقتارى بٸرنەشە التىن ەپەرەدٸ. بٸر فەلپستٸڭ ٶزٸڭ ريودا 5 التىن, 1 كٷمٸس الدى. جالپى, جٷزۋ سپورتىنان 16 التىن, 8 كٷمٸس, 9 قولا ولجالادى. بارلىعى - 33 مەدال, 33! بەسەۋ-اق ەمەس!
دەل وسى امەريكا برازيليياداعى وليمپيادادا جەڭٸل اتلەكتيكادان 10 التىن, 9 كٷمٸس, 8 قولا ەنشٸلەدٸ. بارلىعى - 27 مەدال!
ەرينە, جٷزۋ سپورتى مەن جەڭٸل اتلەتيكادا بٸردەن امەريكامەن "جاعالاسا" المايمىز. مەسەلەن, جەڭٸل اتلەتيكانى الايىق. قىسقا قاشىقتىقتاردا يامايكا جەنە امەريكامەن, الىس قاشىقتىقتاردا كەنييا جەنە ەفيوپييامەن تايتالاسۋ مٷمكٸن ەمەس, ەزٸرشە. سوندىقتان جەڭٸل اتلەتيكانىڭ تەحنيكالىق تٷرلەرٸ مەن ورتا قاشىقتىقتارعا مەيٸلٸنشە كٶڭٸل بٶلٸپ, قولعا الۋعا بولار ەدٸ.
سونداي-اق امەريكا مەن قىتاي ەلٸ "كٶز سالا" قويماعان تاعى بٸر سپورت تٷرٸ بار. وندا دا ساراپقا سالىناتىن مەدالدار سانى - ٶتە كٶپ. ول - ەسكەك ەسۋ سپورتى. مۇندا ەۋروپالىقتار ويران سالىپ جٷر.
بايداركا مەن كانوەدە ەسكەك ەسۋدەن گەرمانييا دەس بەرمەيدٸ. نەمٸستەر ريودا 4 التىن, 2 كٷمٸس, 1 قولا الدى. بٸزدٸڭ مادييار باۋىرلارىمىز دا "التىن شىققان جەردٸ بەلدەن قازىپ" كەلەدٸ. ولار ريودا 3 التىن ولجالادى.
اكادەمييالىق ەسكەك ەسۋدە ۇلىبريتانييانىڭ ايدارىنان جەل ەسٸپ تۇر. ريودا ولار 3 التىن, 2 كٷمٸس الدى. نەمٸستەر 2 التىن, 1 كٷمٸس يەلەندٸ.
وسىنى سيدنەي وليمپياداسىنان كەيٸن دە مەزگەپ ٶتتٸك, بەيجٸڭ وليمپياداسىنان كەيٸن دە تالداپ جازدىق. قاراپايىم جۋرناليستٸ كٸم تىڭداسىن!? ەلەگەن ەشكٸم جوق. دەۋلەت تۇرلىحانوۆ افينى وليمپياداسىنان كەيٸن ەسكەك ەسۋ سپورتتىنا دەن قويىپ, ەۋروپادان بٸر باپكەر ەكەلمەك بولعان. بٸراق بۇل ٸسٸن جٷزەگە اسىرا الماي, باسشىلىقتان كەتتٸ.
ەلقيسسا, "بوكس, بوكس" دەپ, ەلٸ جٷرمٸز. ٶركەنيەتتٸ ەلدەر بوكستى باياعىدا قويعان. ولار مەدالٸ مەن جٷلدەسٸ كٶپ سپورت تٷرلەرٸنە كٶپ كٶڭٸل بٶلەدٸ...
