تەجٸكستان پرەزيدەنتٸنٸڭ اتقارۋ اپپاراتى باس پروكۋراتۋراعا پىشاق جاراقاتىنان قازا بولعان فايزاباد اۋدانى تۇرعىنىنىڭ ٶلٸمٸنٸڭ سەبەبٸن زەرتتەۋدٸ تاپسىردى.
فايزاباد اۋداندىق پروكۋراتۋراسى شٸلدە ايىندا دەنەسٸنە 26 رەت پىشاق سۇعىلعان مانورا ابدۋفاتتوحتىڭ ٶلٸمٸن سۋيتسيد دەپ اتاعان. "سۋيتسيدكە يتەرمەلەۋ" بابى بويىنشا قىلمىستىق ٸس قوزعالعان. بٸراق كٷدٸكتٸلەر جوق.
25 جاستاعى مانورا ابدۋفاتتوحتىڭ سٷيەگٸ 22 ماۋسىمدا ٶزٸ تۇراتىن پەتەردە تابىلعان. ول كٷيەۋٸنەن كەتٸپ, سول جەردە بالالارىمەن تۇرعان. قايعىلى وقيعا كەزٸندە پەتەردە ٷش بالاسى بولعان. ٷلكەنٸ - بەس جاستا, كٸشٸسٸ - التى ايلىق.
سۋيتسيد تۋرالى قورىتىندىمەن كەلٸنشەكتٸڭ تۋىستارى كەلٸسپەيدٸ. ولار 17 شٸلدەدە تەجٸك پرەزيدەنتٸنٸڭ اتىنا حات جازىپ, ٸستٸ جٸتٸ زەرتتەۋگە شاقىرعان.
