تاۋلى قاراباققا رەسەيلٸك بٸتٸمگەر ساربازدار مٸنگەن التى يل-76 ۇشاعى قوندى. بۇل اقپاراتتى رەسەي قورعانىس مينيسترلٸگٸ حابارلادى. ايماققا 1 960 سارباز جەنە 470 تەحنيكا جەتكٸزٸلۋٸ تيٸس.
9 قاراشادا ەلەۋمەتتٸك جەلٸدە رەسەيدٸڭ ۋليانوۆسك قالاسىنداعى "ۆوستوچنىي" ەۋەجايىنان تٷسٸرٸلگەن سپۋتنيك سۋرەتتەرٸ تاراعان بولاتىن. وندا ۇشۋعا دايىندالىپ جاتقان ون شاقتى يل-76 ۇشاعى كٶرٸنەدٸ.
رەسەيلٸك بٸتٸمگەر كونتينگەنتٸنٸڭ دەنٸ سامارا وبلىسىنا ديسلوكاتسييا جاسالعان 15-جەكە موتواتقىش بريگاداسى مٷشەلەرٸنەن قۇرالعان. 2008 جىلى اتالعان بريگادا گرۋزين-ابحاز قارۋلى قاقتىعىسى ايماعىندا بٸرقاتار تاپسىرمالار ورىنداعان.
ەزەربايجان پرەزيدەنتٸ يلحام ەليەۆتٸڭ ايتۋىنشا, رەسەيدٸڭ بٸتٸمگەر ساربازدارى تٷركييا ەسكەريلەرٸمەن بٸرٸگٸپ ەرەكەت ەتەدٸ, الايدا دٷيسەنبٸ كٷنٸ كەلٸسٸلگەن قۇجاتتا بۇل جاعى كٶرسەتٸلمەگەن.
دٷيسەنبٸ كٷنٸ كەشكە رەسەي, ەزەربايجان باسشىلارى جەنە ارمەنييا پرەمەر-مينيسترٸ 10 قاراشاعا قاراعان تٷنٸ تاۋلى قاراباقتا ەسكەري قيمىلدى توقتاتۋ تۋرالى ورتاق مەلٸمدەمەگە قول قويعان. بٸراق تاراپتار ٶزدەرٸنٸڭ پوزيتسييالارىنان جىلجىماعان.
كەلٸسٸمگە سەيكەس, ارميان تارابى 20 قاراشاعا دەيٸن ەزەربايجانعا اگدام, كەلبادجار, لاچين اۋداندارىن قايتارۋى تيٸس. بٸراق تاۋلى قاراباقپەن بايلانىسىن ٷزبەۋ ٷشٸن لاچين دەلٸزٸن (ەنٸ 5 كم) ساقتاپ قالادى.
رەسەيلٸك ساربازدار تاۋلى قاراباقپەن تٷيٸسكەن تۇستا جەنە لاچين دەلٸزٸ ماڭىندا ورنالاسادى. بٸتٸمگەرلٸك كونتينگەنتتٸڭ سول ايماقتا قالۋ مەرزٸمٸ 5 جىل جەنە احۋال تۇراقتاماسا تاعى بەس جىلعا سوزىلادى.
تاۋلى قاراباق رەسمي تٷردە ەزەربايجان اۋماعى سانالادى, بٸراق بۇل ايماقتا ەتنيكالىق ارمياندار تۇرادى. تاۋلى قاراباقتاعى ارميانداردى ەرەۆان قولداپ وتىر. ەزەربايجان مەن ارمەنييا تاۋلى قاراباق ايماعى ٷشٸن 1988 جىلدان بەرٸ قاقتىعىسىپ كەلەدٸ. 1988-94 جىلدارى اراسىنداعى سوعىستا 30 مىڭداي ادام قايتىس بولدى. 1994 جىلى ەكٸ ەل قاقتىعىستى توقتاتۋ تۋرالى كەلٸسٸمگە قول قويعان. سول ۋاقىتتان بەرٸ تاۋلى قاراباق ەتنيكالىق ارميانداردىڭ باقىلاۋىندا. تاۋلى قاراباق ايماعى 1991 جىلى تەۋەلسٸزدٸك جارييالاپ العان. بٸراق ولاردى ارمەنييادان باسقا ەشبٸر ەل مويىندامادى.
بيىل 27 قىركٷيەكتە تاۋلى قاراباق ٷشٸن قاقتىعىس قايتا باستالىپ, مىڭداعان ادام قايتىس بولدى. ولاردىڭ اراسىندا بەيبٸت تۇرعىندار دا بار. ەكٸ تاراپ ٷش رەت اتىستى توقتاتۋ تۋرالى كەلٸسٸمگە كەلگەنٸمەن, بۇل كەلٸسٸم ساقتالمادى.
تاۋلى قاراباقتىڭ دە-فاكتو ٷكٸمەتٸ قىركٷيەكتەن بەرٸ 1221 ەسكەري قايتىس بولعانىن مەلٸمدەدٸ. ەزەربايجان سوعىستان قانشا سارباز قازا تاپقانىن ايتپاي وتىر.
