تەۋەلسٸزدٸك جىلدارىندا ەلدەگٸ اقپارات قۇرالدارىنىڭ سانى 407-دەن 4,5 مىڭعا كٶبەيدٸ. بۇل تۋرالى اقپارات جەنە قوعامدىق دامۋ مينيسترٸ ايدا بالاەۆا URKER-2021 ۇلتتىق بەيگەسٸنٸڭ ماراپاتتاۋ شاراسىندا ايتتى, دەپ حابارلايدى قازاقپارات.
«وسى سەتتٸ پايدالانىپ جۋرناليستەر قاۋىمى مەن بارشا اقپارات سالاسىنىڭ ماماندارىن كەسٸبي مەرەكەمەن شىن جٷرەكتەن قۇتتىقتايمىن. ەل تەۋەلسٸزدٸگٸنٸڭ 30 جىلى ٸشٸندە مەملەكەتٸمٸزگە ٶتكەن وتاندىق مەديا سالاسى دا جاڭارۋ, دامۋ كەزەڭٸنەن ٶتتٸ. تەۋەلسٸزدٸكتٸڭ العاشقى جىلدارى ەلٸمٸزدە تەك 407 اقپارات قۇرالى, سونىڭ ٸشٸندە ەكٸ تەلەارنا عانا بولسا, قازٸر ولاردىڭ سانى 4,5 مىڭنان استى. بٸر عانا «قازاقستان» ۇلتتىق ارناسى بٷگٸندە قۇرامىنا 5 رەسپۋبليكالىق, 14 ٶڭٸرلٸك تەلەارنا, 4 راديو ەنەتٸن ٷلكەن ۇلتتىق كورپوراتسيياعا اينالدى», - دەدٸ مينيستر.
ۆەدومستۆو باسشىسى اقپارات قۇرالدارىنىڭ سانىمەن بٸرگە ساپاسى دا ارتقانىن اتادى.
«ۇلتتىق مەديا تاريحىندا تۇعىش رەت بالالار ارناسى Balapan, سپورت ارناسى QazSport, كٶرەرمەندەرٸڭ كٶزايىمى بولىپ وتىرعان Abai ارناسى ٸسكە قوسىلدى. تەۋلٸك بويى اقپارات تاراتاتىن «حابار-24», 10 ميلليونعا جۋىق كٶرەرمەنٸ بار «ەلارنا», ەلەمنٸڭ 120-دان استام ەلٸنە حابار تاراتاتىن Qazaq.tv بار «حابار» اگەنتتٸگٸ – بٷگٸن ەڭ ٸرٸ مەدياورتالىق. جالپى ەل اۋماعىندا قازٸرگٸ تاڭدا 184 تەلەارنا, 79 راديو, 790 اقپاراتتىق اگەنتتٸك بار», - دەدٸ ايدا بالاەۆا.
