Táýelsizdik jyldarynda eldegi aqparat quraldarynyń sany 407-den 4,5 myńǵa kóbeidi. Bul týraly Aqparat jáne qoǵamdyq damý ministri Aida Balaeva URKER-2021 ulttyq báigesiniń marapattaý sharasynda aitty, dep habarlaidy QazAqparat.
«Osy sátti paidalanyp jýrnalister qaýymy men barsha aqparat salasynyń mamandaryn kásibi merekemen shyn júrekten quttyqtaimyn. El Táýelsizdiginiń 30 jyly ishinde memleketimizge ótken otandyq media salasy da jańarý, damý kezeńinen ótti. Táýelsizdiktiń alǵashqy jyldary elimizde tek 407 aqparat quraly, sonyń ishinde eki telearna ǵana bolsa, qazir olardyń sany 4,5 myńnan asty. Bir ǵana «Qazaqstan» ulttyq arnasy búginde quramyna 5 respýblikalyq, 14 óńirlik telearna, 4 radio enetin úlken ulttyq korporatsiiaǵa ainaldy», - dedi ministr.
Vedomstvo basshysy aqparat quraldarynyń sanymen birge sapasy da artqanyn atady.
«Ulttyq media tarihynda tuǵysh ret balalar arnasy Balapan, sport arnasy QazSport, kórermenderiń kózaiymy bolyp otyrǵan Abai arnasy iske qosyldy. Táýlik boiy aqparat taratatyn «Habar-24», 10 millionǵa jýyq kórermeni bar «Elarna», álemniń 120-dan astam eline habar taratatyn Qazaq.tv bar «Habar» agenttigi – búgin eń iri mediaortalyq. Jalpy el aýmaǵynda qazirgi tańda 184 telearna, 79 radio, 790 aqparattyq agenttik bar», - dedi Aida Balaeva.
