تەۋەلسٸزدٸك جىلدارىندا ەلٸمٸزدە مۇناي ٶندٸرۋ 3,5 ەسە, گاز ٶندٸرۋ 7 ەسەگە ۇلعايدى, دەپ حابارلايدى قازاقپارات.
ەنەرگەتيكا مينيسترٸ ماعزۇم مىرزاعاليەۆتٸڭ مەلٸمەتٸنشە, ەلٸمٸز تەۋەلسٸزدٸك العالى ٶندٸرۋدٸڭ ٶسۋ قارقىنىندا ايتارلىقتاي سەرپٸلٸس بايقالعان.
«تەۋەلسٸزدٸكتٸڭ 30 جىلىندا مۇناي ٶندٸرۋ 3,5 ەسەگە, گاز ٶندٸرۋ 7 ەسەگە ۇلعايدى. وسى كەزەڭدە 1,7 ملرد توننا مۇناي, 790 ملرد تەكشە مەتر گاز ٶندٸرٸلدٸ. ال, 1,4 ملرد توننا مۇناي ەكسپورتتالدى. 2020 جىلدىڭ قورىتىندىسىمەن گاز ٶندٸرۋ كٶلەمٸ 55,1 ملرد تەكشە مەتردٸ قۇرادى. ەلەكتر ەنەرگەتيكاسى سالاسىندا بٸرقاتار ماڭىزدى جوبالار جٷزەگە اسىرىلدى. سونىڭ نەتيجەسٸندە ەلەكتر ەنەرگيياسىن ٶندٸرۋ 83 ملرد-تان 108 ملرد كۆت/ساعاتقا دەيٸن ارتتى. ياعني 30%-عا ۇلعايدى», -دەيدٸ ماعزۇم مىرزاعاليەۆ.
مينيستردٸڭ ايتۋىنا قاراعاندا, جاڭارتىلاتىن ەنەرگييا كٶزدەرٸن دامىتۋدا دا جوعارى قارقىن بار. قازٸر ەلٸمٸزدە جاڭارتىلاتىن ەنەرگييا كٶزدەرٸنٸڭ 126 وبەكتٸسٸ جۇمىس ٸستەپ تۇر. ونىڭ جالپى قۋاتى 1975 مۆت-تى قۇرايدى.
«بٸز وسى جەتٸستٸكتەرمەن توقتاپ قالماۋىمىز قاجەت. الدىمىزدا مۇناي-گاز, ەنەرگەتيكا سالاسىن دامىتۋدىڭ جاڭا بەلەستەرٸ تۇر. وسى جولدا ايانباي ەڭبەك ەتٸپ, تەۋەلسٸزدٸكتٸڭ جاڭا ونجىلدىعىندا ەلٸمٸزدٸ اسقاقتاتا بەرەيٸك», -دەپ اتاپ ٶتتٸ ماعزۇم مىرزاعاليەۆ.
