قازاقستان تەۋەلسٸزدٸگٸن العان 1991-1992 جىلدارى دٷنيەگە كەلگەن ۇرپاق قازٸر 30-دى القىمداپ قالعان وردابۇزار ازامات بولعانى راس.
ولاردىڭ ٸشٸندە ەل ەكونوميكاسىنا, سپورت سالاسىنا ەرەكشە ەڭبەك سٸڭٸرٸپ جٷرگەن ازاماتتار بار.
بٷگٸن جاقسىلىقتىڭ جارشىسى سيياقتى ەگەمەندٸكپەن جارىسا تۋعان تەۋەلسٸزدٸكتٸڭ ماقتانىشتارى تۋرالى جازۋدى جٶن كٶردٸك.
ولاردىڭ بٸرٸ – ەدٸلەت تيكانوۆ. 29 جاستاعى جٸگٸت الماتى تسيركٸندە جۇمىس ٸستەيدٸ.
جاس اكروبات 1991 جىلى 21 قىركٷيەكتە پاۆلودار قالاسىندا تۋعان. 1999 جىلى الماتىعا وتباسىمەن كٶشٸپ كەلگەن. تالعار اۋدانىنىڭ پانفيلوۆ اۋىلىندا بٸلٸم العان.
«بالا كەزٸمنەن break dance بيٸنە قۇمار بولىپ, كٶشە اكروباتيكاسىنا ەۋەس بولدىم. بٸراق, تسيرك ەرتٸسٸ بولۋدى ويلاماپپىن. بالا كەزٸمدە پوليتسييا قىزمەتكەرٸ بولۋدى ارماندادىم. ەسەيگەن سوڭ دوستارىم جٷسٸپبەك ەلەبەكوۆ اتىنداعى ەسترادا جەنە تسيرك كوللەدجٸنە تٷسە باستادى. مەن دە باعىمدى سىناپ كٶردٸم. وسىلايشا, وقۋعا گرانتقا تٷسٸپ كەتتٸم», - دەدٸ ەدٸلەت.
جاقىندا ەدٸلەت «ۋكراينا تالانتى», كىتايدا ٶتكەن «Central Asia» شوۋلارىنا قاتىسىپ كەلدٸ.
«قاڭتاردا «British got talent» شوۋىنا قاتىسۋعا دايىندالىپ جاتىرمىز. جاقىندا شىعارماشىلىق ۇجىم ۆيدەوكاستينگٸدەن ٶتتٸ. ودان ارى قاراي مونتە-كارلودا (موناكو) ٶتەتٸن فەستيۆالگە قاتىسامىز. باسقا دا فەستيۆالدەردەن باس جٷلدە, التىن, كٷمٸس, قولا جٷلدەلەر الىپ جٷرمٸز», - دەدٸ ول.
ەدٸلەتتٸڭ ايتۋىنشا, قازٸر بالالاردا كٶپ مٷمكٸندٸك بار.
«بٸزدٸڭ بالا كەزٸمٸزدە كەمپيت جەۋدٸڭ ٶزٸ قۋانىش بولاتىن. قازٸر بالالاردا ۇيالى تەلەفون, قالاعان ويىنشىعى, كيٸمٸ – بارلىعى بار. ولار تارشىلىق كٶرمەگەن. مۇنىڭ بارلىعى – تەۋەلسٸزدٸكتٸڭ ارقاسى! قازٸر مەملەكەت تاراپىنان جاستاردىڭ دامۋىنا, بٸلٸم الۋىنا, قالىپتاسۋىنا بارلىق جاعداي جاسالعان. سوندىقتان, جاستار وسىنى باعالاۋى كەرەك. ولار بارىنشا بٸلٸم الىپ ەلٸن شەتەلدٸك ارەنالاردا پاش ەتۋگە ۇمتىلۋى تيٸس», - دەدٸ ول.
ال بالۋان, قازاقستان سپورت شەبەرٸ دامير كٷزەمباەۆ 1991 جىلى 2 قاراشادا تۋعان. 13 جاسقا دەيٸن تاەكۆاندو, ودان كەيٸن كٷرەسپەن اينالىسقان. 2007 جىلدان باستاپ دامير جاڭاباي وسپانوۆتان تەلٸم الىپ وتىر.
دامير قازاقستان چەمپيوناتىندا 2 كٷمٸس, 2 قولا جٷلدە العان. ال 2016 جىلعى قازاقستان بٸرٸنشٸلٸگٸندە چەمپيون اتاندى.
«ەڭ باستىسى, سپورتتا تۋعان ەلٸمنٸڭ مەرەيٸن كٶتەرۋ – ماقساتىم. جەڭٸس تۇعىرىندا تۇرعانداعى سەزٸمدٸ ايتىپ جەتكٸزۋ مٷمكٸن ەمەس. بارلىق جاستار تۋعان تٸلٸن سىيلاپ, ۇلتتىق رەمٸزدەرٸن قۇرمەتتەپ تۇرسا – نۇر ٷستٸنە نۇر», - دەدٸ ول.
داميردٸڭ شەتەلدەگٸ العاشقى جەڭٸسٸ 2008 جىلى تاشكەنتتە ٶتكەن ازييا چەمپيوناتىندا بولدى.
2013-19 جىل ارالىعىندا ٶتكەن ازييا چەمپيوناتتارىنان ول جٷلدەسٸز قايتپاعان.
نيكيتا فليپوۆ 1991 جىلى 7 قازاندا تۋعان. ول جەڭٸل اتلەتيكادان قازاقستاننىڭ حالىقارالىق سپورت شەبەرٸ, لوندون وليمپياداسىنىڭ قاتىسۋشىسى. 2015 جىلى بٷكٸلەلەمدٸك ۋنيۆەرسيادادا التىن مەدال يەلەنگەن.
قازٸر ول جاس سپورتشىلاردى تەربيەلەۋمەن اينالىسادى
«ٶزٸم تەۋەلسٸز ەلدٸڭ تۋماسى بولعاندىقتان, بولاشاق چەمپيونداردى ازات ويلاۋعا, جەڭٸمپاز بولۋعا ٷيرەتەمٸن. تەۋەلسٸزدٸك بٸزگە ٶزٸمٸزدٸڭ دامۋدىڭ جەكە داڭعىل جولىن تاڭداۋعا, ٶز ۇستانىمىمىزدى, ۇلتتىق يدەولوگييامىزدى قالىپتاستىرۋعا مٷمكٸندٸك بەردٸ», - دەدٸ ول.
