بٷگٸن قر تەۋەلسٸزدٸگٸنٸڭ 30 جىلدىعىنا وراي قاراعاندى وبلىسى ەكٸمدٸگٸ مەدەنيەت, ارحيۆتەر جەنە قۇجاتتاما باسقارماسىنىڭ قولداۋىمەن «مەدەنيەت پورتالى» اقپاراتتىق اگەنتتٸگٸندە تۇڭعىش رەت ٶتكٸزٸپ جاتقان «تەۋەلسٸزدٸك: سٶز بەن سۋرەت» اتتى اقىندار مەن سۋرەتشٸلەر اراسىنداعى رەسپۋبليكالىق ونلاين-بايقاۋىنىڭ ٸ كەزەڭٸندەگٸ جەڭٸمپازدار انىقتالدى.
ەكٸ ايعا سوزىلعان دوداعا 101 سۋرەتشٸ, 300 استام كارتينا كەلٸپ تٷستٸ. سولاردىڭ ٸشٸندە 8 سۋرەتشٸ ٷزدٸكتەر قاتارىنان تابىلدى. ولار:
ٶمٸرزاق رىستان (ۇرپاق قورعانى)
دەۋرەنبەك بەكنازار (كٶكەيكەستٸ)
راحات ساپارالينوۆا (تاس تىنىسى)
امانات نازارقۇل (ۇلى دالا كارديوگرامماسى)
سەرٸكجان ىسقاقبەك (قوياندى جەرمەڭكەسٸ)
قۇمار ومارحان «اقسەلەۋ سەيدٸمبەك»
ايتا كەتەيٸك, جەڭٸمپاز 8 سۋرەت بويىنشا بايقاۋدىڭ ٸٸ كەزەڭٸ جالعاسادى. ول كەزەڭدە اقىندار جەڭٸمپاز اتانعان سۋرەتشٸلەر سالعان ٷزدٸك 8 سۋرەتتٸڭ بٸرەۋٸن تاڭداپ, سول سۋرەت تۋرالى 1 پوەزييالىق شىعارماسىن (ٶلەڭٸن) جولداۋ ارقىلى قاتىسا الادى.
بايقاۋدىڭ اقىندارعا ارنالعان 2-كەزەڭٸ 26.06.2021 – 26.07.2021 ارالىعىندا ٶتەدٸ.
2-كەزەڭ بويىنشا قازىلار القاسىنىڭ قورىتىندى شىعارۋ مەرزٸمٸ 26.07.2021 - 01.08.2021. قازىلار القاسىنىڭ باعالاۋ كەزەڭٸ «مەدەنيەت پورتالىندا» ونلاين تٷردە بولادى.
جەڭٸمپاز اقىن مەن سۋرەتشٸ شىعارمالارىنان ارنايى ٷش تٸلدە (قازاق, ورىس جەنە اعالشىن) البوم دايىندالادى. البوم ساپالى, تٷرلٸ-تٷستٸ سۋرەتتەرمەن بەزەندٸرٸلٸپ, ارنايى تٷسٸرٸلگەن بەينە روليكتەرگە سٸلتەمە بەرٸلگەن QR-كودتارمەن جارىق كٶرەدٸ.
نەگٸزگٸ شارت بويىنشا پوەزييا مەن سۋرەتتە ٷندەسكەن دۋەت-ٷمٸتكەرلەر «تەۋەلسٸزدٸك: سٶز بەن سۋرەت» قورىتىندى مەدەني كەشٸنە الدىن الا شاقىرتىلادى.
