الماتىدا تاۋدا جوعالعان ەسەل پانارعاليەۆانىڭ تۋىستارى ول تۋرالى كەز-كەلگەن اقپاراتقا اقشالاي سىياقى بەرٸلەتٸندٸگٸن جارييالادى, – دەپ حابارلايدى قازاقپارات. قۇتقارۋشىلار قىزدى 11 كٷننەن بەرٸ ٸزدەپ جاتىر.
«ەزٸرگە ەشقانداي حابار جوق. امالدىڭ جوقتىعىنان كەز-كەلگەن اقپارات بەرگەن ادامعا سىياقى تاعايىنداپ جاتىرمىز. سەبەبٸ, بٸزدە باسقا امالىمىز قالمادى. ونى بٸرەۋلەر زورلىقپەن ۇستاپ وتىرۋى دا عاجاپ ەمەس. 26 جاستاعى ٶزٸ ٶمٸرٸنە ٶزٸ جاۋاپ بەرە الاتىن قىز ٶزدٸگٸنەن مۇنداي قادامعا بارماسى انىق. بۇعان دەيٸن 1 اي اقتاۋدا بولعان, ودان كەيٸن 1 اي تٷركييادا بولدى. جامان ەدەتتەن ادا. تاۋدى ٶتە جاقسى كٶرەتٸن. ەر سەنبٸ-جەكسەنبٸ تاۋعا شىعاتىن. ەلەۋمەتتٸك جەلٸدە تاراپ جاتقان تەلەفون تۋرالى اقپاراتتى قازٸر پوليتسييا تەكسەرٸپ جاتىر. ونىڭ بەرٸ ەلٸ انىقتالماعان اقپارات» دەدٸ قىزدىڭ جەڭگەسٸ مارجان ٸزعالي.
قازٸر قر ٸٸم تجك رەسپۋبليكالىق جەدەل قۇتقارۋ جاساعى ٸزدەۋ جۇمىستارىن جالعاستىرىپ جاتىر. ەسكە سالايىق, بويجەتكەننٸڭ جوعالعانى تۋرالى 10 قاراشا كٷنٸ بەلگٸلٸ بولدى. ول تاۋ تۋريزممەن اينالىسىپ جٷرگەن. 9 قاراشا ساعات 13:00 شاماسىندا ول ٷلكەن الماتى (جوسالى) كٶلٸندە تٷسكەن فوتوسىن ەلەۋمەتتٸك جەلٸگە جارييالاعان. ودان كەيٸن بايلانىسقا شىقپاعان.
بۇعان دەيٸن جٷرگٸزٸلگەن ٸزدەستٸرۋ جۇمىستارى قىزدىڭ تۋىستارىنىڭ ٶتٸنٸشٸ بويىنشا توقتاتىلعان بولاتىن. بٸراق كەيٸن ە.پانارعاليەۆانىڭ جاقىندارى ٸزدەستٸرۋدٸ جالعاستىرۋدى قايتا سۇرادى. سونىمەن قاتار, قىزدى ٸزدەستٸرۋگە الپينيستەر دە جۇمىلدىرىلدى. مۇنىڭ الدىندا كوسموستانتسييا اۋدانىندا 9 قاراشادا ساعات 13:00-دەر شاماسىندا قىزدىڭ تاۋدان تٷسٸپ كەلە جاتقانىن ادامدار كٶرگەن. ودان كەيٸن پوليتسييا قىزدىڭ تەلەفونى ارقىلى قالانىڭ ەر بۇرىشىنان تەلەفون قوڭىراۋلارى جاسالعانىن انىقتادى.
