تاڭەرتەڭنەن ەلەۋمەتتٸك جەلٸدەگٸ جازبالاردى قاراپ وتىرمىن. الماتىدا ٶتكەن بٷكٸلوداقتىق لەنينشٸل كوممۋنيستٸك جاستار وداعىنىڭ 100 جىلدىعىنا نارازىلىق جوعارى.
كەشە دە جازعانىمداي بەرٸمٸز سالدارىن تالقىلاپ وتىرمىز. ودان تٷك تە ٶنبەيدٸ. سەبەپتەرٸن جويۋدىڭ التەرناتيۆ جولدارىن ۇسىنىپ, ٶتكٸزە الماساق, باcقاسى بوس داۋرىقپا.
«تاريح - ٶتكەننٸڭ ساباعى, الداعىنىڭ كەيٸنگٸگە ٶنەگەسٸ» دەگەن نازارباەۆ بٸر سٶزٸندە. ٶتكەنٸن ۇمىتقان حالىقتىڭ بولاشاعى دا بۇلىڭعىر» دەيدٸ ۋينستون چەرچيلل دە. ٶتكەن مەن بولاشاقتىڭ بايلانىسىن تالاي ويشىل ايتقان. تاريحىمىزدا كوممۋنيزم دە بولدى, لەنين دە بولدى. تۇتاس بٸر دەۋٸر سول پارتييانىڭ كٶسەمٸنە سەجدە ەتٸپ, ەنٸن ايتىپ, كٸتابىن وقىپ, زاڭىن جاتتاپ كەتتٸ. بٸز ونى سىزىپ تاستاي المايمىز. بٸز تەك كوممۋنيستٸك جٷيەنٸڭ ساياسي زاردابىن, حالقىمىزعا ارقالاتىپ كەتكەن اۋىر قاسٸرەتٸن قارامەن جازىپ, جاس ۇرپاققا, ٶسٸپ كەلە جاتقان بۋىنعا انىقتاپ تٷسٸندٸرٸپ ناعىز «رۋحاني جاڭعىرۋ» جاساي بٸلۋٸمٸز كەرەك. ەيتپەسە كٷنٸ كەشە لكجو-نىڭ 100 جىلدىعىن تويلاعان پارلامەنتتە وتىرعان قكحپ قۇرامىندا جاستار جوق ەمەس.
ەندٸ, بۇنىڭ بەرٸ بٸر شەتكە.
جۇرت قوتارىلا جابىلىپ تاسماعامبەتوۆتٸ جامانداۋعا كٶشتٸ. بٸز نەگە قاشان دا مەسەلەنٸڭ تەك بەتكٸ كٶرٸنٸسٸن عانا كٶرەمٸز دە, بٸر قىرىنان تالقىلاپ كەتەمٸز? ەيتپەسە وندا ەنشٸ دە, دەپۋتات تا, شەنەۋنٸك تە جٷر.
بٸرٸنشٸدەن, ول كٸسٸنٸڭ 1989 جىلى كومسومول جوعارى ورگانىنىڭ ورتالىق كوميتەتٸندە بٸرٸنشٸ حاتشى بولىپ قىزمەت اتقارعانى تاريحي فاكت. وعان دەيٸن دە بٸرنەشە جىل بويى اتىراۋداعى كومسومول وداعىن باسقاردى. وسى قىزمەتٸنەن قازاقستان دەربەس ەل بولعاندا جاستار ٸستەرٸ بويىنشا مەملەكەتتٸك كوميتەتٸنٸڭ تٶراعاسى لاۋازىمىنا اۋىسىپ كەلدٸ. جاستارمەن جۇمىس ٸستەي بٸلەتٸن تەجٸريبەسٸن پرەزيدەنتكە كٶمەكشٸ بولىپ جالعاستىردى.
ەكٸنشٸدەن, يمانعالي نۇرعاليۇلى وندا قاتىسىپ وتىرعان باسقالار سيياقتى ەمەس, رەسەيدە ٶكٸلەتتٸ ەلشٸ. بۇل شارانى ۇيىمداستىرعان ول ەمەس. ٶمٸربايانىندا جازىلىپ تۇرعان كومسومول داتاسىنا قاتىسپاۋى ەكٸجٷزدٸلٸك بولار ەدٸ. تاسماعامبەتوۆتٸڭ ٶزٸ ايتاتىن ەكٸ ساياسي قايراتكەر يدەيالىنىڭ بٸرٸ قازاق دالاسىنان فرانتسيياعا بارىپ ۇلت بوستاندىعى ٷشٸن كٷرەس جٷرگٸزگەن مۇستافا شوقاي بولسا, ەكٸنشٸسٸ 1981-1995 جىلدارى فرانتسييا پرەزيدەنتٸ بولعان ميتتەران فرانسۋا سول ەلدٸ وزىق دامۋعا سٷيرەگەن تۇلعا. ول دا فرانتسيياداعى سوتسياليستٸك قوزعالىس ليدەرلەرٸنٸڭ بٸرٸ ەدٸ. تاسماعامبەتوۆ 80 جىلدارداعى ساياسي جاعدايدىڭ تالابىمەن كومسومول بولدى. قايراتكەرلٸك تەجٸريبە جينادى. بٸراق حالىققا ەڭبەك ەتتٸ, قارسى سٶز ايتقان جوق.
ٷشٸنشٸدەن, وسى شارا كوممۋنيستٸك يدەيا مەن جٷيەنٸڭ قازاق قوعامىنا قاجەتسٸز ەكەنٸن تاعى دا بٸر انىقتاپ بەرگەن ينديكاتور بولدى. قوعامنىڭ نارازى سالماعى باسىم ەكەندٸگٸ انىق كٶرٸندٸ. مەملەكەتتٸڭ ساياسي ٶمٸرٸندەگٸ ولقىلىقتارىن ۋاقىت وسىلاي تەزٸنە سالادى.
ايتپاقشى, وسى اپتادا پۋتين رەسەيدە كومسومول تويلايدى ەكەن.
«بٸز يتالييانى جاسادىق, ەندٸ يتالييالىقتاردى قالىپتاستىرايىق». يتالييانىڭ تۇڭعىش پرەمەر-مينيسترٸ, مەملەكەت قايراتكەرٸ كاميللو كاۆۋر وسىلاي دەپتٸ. بٸز قازاقستان بولدىق. بٸراق قازاقستاندىق تۇتاستىق جوق. كەرٸسٸنشە وسىنداي جاعدايلار ەلدەگٸ ەركەلكٸلٸكتٸ ورتاعا شىعارادى دا, نەمەن جۇمىس ٸستەۋٸنە جول سٸلتەيدٸ. ٶتكەن تاريح ٶتتٸ, مىڭ جەردەن سىناساق تا شالدار جينالىپ ٶز داتاسىن تويلايدى. تەك سوعان جاڭا نەسٸل, جاس بۋىن ەرٸپ كەتپەۋٸن قاداعالاۋ كەرەك.
