يمانعالي تاسماعامبەتوۆ ۇجىمدىق قاۋٸپسٸزدٸك تۋرالى شارت ۇيىمىنىڭ باس حاتشىسى لاۋازىمىنا تاعايىندالدى, دەپ حابارلايدى "ۇلت اقپارات".
"2023 جىلدان باستاپ, الداعى ٷش جىلدا ۇقشۇ باس حاتشىسىنىڭ مٸندەتٸن قازاقستان ٶكٸلٸ يمانعالي تاسماعامبەتوۆ اتقارادى", - دەدٸ پاشينيان سەسسييا بارىسىندا.
ايتا كەتەيٸك, ول - ۇيىمنىڭ جوعارى ەكٸمشٸلٸك لاۋازىمدى تۇلعاسى سانالادى جەنە ۇيىم حاتشىلىعىنا باسشىلىق جاسايدى.
2020 جىلدىڭ 1 قاڭتارىنان بۇل قىزمەتتٸ بەلارۋس ەلٸنٸڭ ٶكٸلٸ - گەنەرال-لەيتەنانت ستانيسلاۆ ۆاسيلەۆيچ زاس اتقارىپ كەلگەن.
يمانعالي نۇرعاليۇلى تاسماعامبەتوۆ 1956 جىلى 9 جەلتوقساندا گۋرەۆ (قازٸرگٸ اتىراۋ) وبلىسىندا دٷنيەگە كەلگەن.
1991 جىلدان - قر جاستار ٸسٸ جٶنٸندەگٸ مەملەكەتتٸك كوميتەتٸنٸڭ تٶراعاسى. 1993 جىلدان - قر پرەزيدەنتٸنٸڭ كٶمەكشٸسٸ. 1995 جىلدان - قر پرەمەر-مينيسترٸنٸڭ ورىنباسارى.
1997 جىلدان - قر پرەمەر-مينيسترٸنٸڭ ورىنباسارى - بٸلٸم جەنە مەدەنيەت مينيسترٸ.
1997 جىلدان - قر پرەزيدەنت ەكٸمشٸلٸگٸ باسشىسىنىڭ ورىنباسارى, ۇيىمداستىرۋ-باقىلاۋ بٶلٸمٸنٸڭ مەڭگەرۋشٸسٸ.
1998 جىلدان - قر پرەزيدەنتٸنٸڭ بٸرٸنشٸ كٶمەكشٸسٸ. 1999 جىلدان - اتىراۋ وبلىسىنىڭ ەكٸمٸ. 2000 جىلدان - قر پرەمەر-مينيسترٸنٸڭ ورىنباسارى.
2002 جىلدان - قر پرەمەر-مينيسترٸ. 2003 جىلى - قر مەملەكەتتٸك حاتشىسى.
2004 جىلى قر پرەزيدەنتٸ ەكٸمشٸلٸگٸنٸڭ باسشىسى بولىپ تاعايىندالدى. 2004 جىلدىڭ جەلتوقسان ايىنان 2008 جىلدىڭ سەۋٸرٸنە دەيٸن - الماتى قالاسىنىڭ ەكٸمٸ.
2008 جىلعى سەۋٸر ايىنان باستاپ - استانا قالاسىنىڭ ەكٸمٸ. 2014 جىلدىڭ قازانىنان قر قورعانىس مينيسترٸ بولدى.
2016-2017 جىلدارى - قر پرەمەر-مينيسترٸنٸڭ ورىنباسارى.
2017 جىلى قازاقستاننىڭ رەسەيدەگٸ تٶتەنشە جەنە ٶكٸلەتتٸ ەلشٸسٸ بولىپ تاعايىندالدى.
ال 2019 جىلى 18 جەلتوقساندا مەملەكەت باسشىسى قاسىم-جومارت توقاەۆتىڭ جارلىعىمەن يمانعالي نۇرعاليۇلى زەينەت جاسىنا تولۋىنا بايلانىستى قازاقستان رەسپۋبليكاسىنىڭ رەسەي فەدەراتسيياسىنداعى تٶتەنشە جەنە ٶكٸلەتتٸ ەلشٸسٸ قىزمەتٸنەن بوساتىلعان ەدٸ.
