- استانادا ٶتكەن رەسپۋبليكالىق جاستار فورۋمىنىڭ پلەنارلىق وتىرىسىندا جاستار قر پرەمەر-مينيسترٸنٸڭ ورىنباسارى يمانعالي تاسماعامبەتوۆتەن ەلٸمٸزدەگٸ ٷش تۇعىرلى تٸل ساياساتىنا قاتىستى پٸكٸرٸن سۇرادى.
ۆيتسە-پرەمەردٸڭ ايتۋىنشا, ورىس تٸلٸ - كەشەگٸ وتارشىلىق زاماننان باستاپ قانىمىزعا سٸڭگەن تٸل. ول حالقىمىزعا ەلەمنٸڭ بٸلٸم ەسٸگٸن اشقان تٸل. سوندىقتان, بۇل بەرٸمٸزگە تٷسٸنٸكتٸ نەرسە.
«ال, اعىلشىن تٸلٸ - بۇل بولاشاقتىڭ تٸلٸ. جالپى تەحنيكا, تەحنولوگييا, ٶركەنيەتتەن قالمايمىز دەسەك, مٸندەتتٸ تٷردە اعىلشىن تٸلٸن بٸلۋٸمٸز كەرەك. بۇل تٸپتٸ شارتتى تٷردە بٸلۋٸمٸز كەرەك. ونى بٸرەۋ تٷسٸنۋٸ مٷمكٸن, بٸرەۋ تٷسٸنبەۋٸ مٷمكٸن. بٸراق جاستار, سٸزدەر شەتتە وقىپ كەلگەن جاستار, باسقا مەملەكەتتەردە تٸل مەسەلەسٸ قالاي دامىدى, زەرتتەۋ جۇمىستارى, تەحنولوگييالار, تاعى باسقامەن تانىسىپ كەلگەن جاستار ونى بٸلەسٸزدەر, تٷسٸنەسٸزدەر. سٸزدەر قولدايسىزدار دەپ بٸلەمٸن», - دەدٸ يمانعالي تاسماعامبەتوۆ ٷشتۇعىرلى تٸل ساياساتىنا قاتىستى جاۋابىندا.
ۆيتسە-پرەمەر تٸل ساياساتىنا كەلگەندە ٶزەكتٸ بولىپ وتىرعان مەسەلە - ول انا تٸلٸنٸڭ دامۋى جٶنٸندە ەكەنٸن ايتتى. ول وسىناۋ 25 جىلدىڭ ٸشٸندە ەلباسىنىڭ تاپسىرماسى بويىنشا ٷكٸمەت قازاق تٸلٸنٸڭ قولدانۋ اياسىن كەڭەيتۋ ٷشٸن بٸرشاما جۇمىستار اتقارعاندىعىن اتادى.
«بٸرٸنشٸدەن, زاڭ قابىلدانىپ, قاجەتتٸ قاراجات بٶلٸندٸ. ماماندار دايىندالدى. بٷگٸنگٸ كٷنٸ قاراپ وتىرساڭىزدار, پارلامەنتتەگٸ جالپى جيىنداردىڭ بارلىعى قازاق تٸلٸندە ٶتەدٸ. ٷكٸمەتتٸڭ مەجٸلٸسٸ قازاق تٸلٸندە ٶتەدٸ. بٸراق, بٸر نەرسە تٷسٸنٸكسٸز. بٸز وسى كٷنگە دەيٸن, قازاق تٸلٸ ٶزگە ەمەس, ٶزٸمٸزگە كەرەك ەكەنٸن تٷسٸنبەي كەلەمٸز. جالپى قازاق تٸلٸ دەگەن حالىقتىڭ جانى. بۇدان ارتىق ايتا المايسىڭ», - دەپ مەلٸمدەدٸ جاستار فورۋمىنىڭ پلەنارلىق وتىرىسىندا سٶيلەگەن قر پرەمەر-مينيسترٸنٸڭ ورىنباسارى يمانعالي تاسماعامبەتوۆ.
ي. تاسماعامبەتوۆ جينالعان جاستارعا تٸل مەسەلەسٸ كٶتەرٸلگەندە ەلباسىنىڭ 25 جىل بويى ايتىپ جٷرگەنٸ - ول ەڭ الدىمەن «قازاقتىڭ قازاقپەن قازاقشا سٶيلەسۋٸ» ەكەنٸن ايتتى.
«مٸنە مەسەلە وسىندا. بٸز ٶز تٸلٸمٸزدٸ ٶزٸمٸز قۇرمەتتەسەك, بٸز وعان شىن مەنٸندە جاناشىرلىق بٸلدٸرسەك عانا تٸلدٸڭ بولاشاعى بولادى. تٸل بار جەردە قازاق بار. تٸل جوق جەردە قازاق جوق. سوندىقتان تٸل مەسەلەسٸنە كەلگەندە بار سەنەتٸنٸمٸز - جاستار, سٸزدەر», - دەپ قاداپ ايتتى يمانعالي تاسماعامبەتوۆ.
ۇلت پورتالى
