تٷركٸستان وبلىسى سارىاعاش اۋدانىندا تاسقىن سۋ سالدارىنان باعىس اۋىلىنا باراتىن جالعىز جول جارامسىز كٷيگە تٷستٸ. قازٸر وبلىستىق ماڭىزى بار جول قورشالىپ, جٷرۋگە تىيىم سالىندى, دەپ حابارلايدى قازاقپارات.
وبلىستىق ەكٸمدٸكتٸڭ مەلٸمەتٸنشە, قازىعۇرت اۋدانىنداعى اپاتقا قاتىستى جاعداي تۇراقتالا باستادى. ەكٸ اۋداندا نٶسەر جاۋىننىڭ سالدارىنان 7 اۋىل وكرۋگٸنٸڭ 11 ەلدٸ مەكەنٸندە ٷيلەر مەن قورا-قوپسىعا سۋ كٸرگەن بولاتىن. سۋدا ٶلگەن مالداردىڭ سانى 370-كە جەتكەن. تٷنٸ بويى تج قىزمەتكەرلەرٸ سۋ كٸرگەن ٷيلەردە موتوپومپا ارقىلى سۋ شىعارۋ جۇمىستارىن جٷرگٸزدٸ.
اۋىل جاستارىنان قۇرىلعان ەرٸكتٸلەر تۇرعىندارعا كٶمەك كٶرسەتٸپ جاتىر. قازىعۇرت اۋدانىنداعى 4 ەلدٸ مەكەنگە قول ۇشىن بەرۋ ٷشٸن ٶڭٸردٸڭ ەر اۋماعىنان جەنە شىمكەنت قالاسىنان 100-دەن استام ەرٸكتٸ جاس جينالدى. ولار سۋ باسقان تۇرعىن ٷيلەردٸڭ اۋلاسى مەن قورا-جايلاردى, كٶشەلەردٸ لاي-باتپاقتاردان تازالاۋ جۇمىستارىنا اتسالىسۋدا. اتاپ ايتقاندا تٷركٸستان مەن ارىس قالاسى, كەلەس, تٶلەبي, سارىاعاش, ماقتاارال, سايرام اۋداندارى, سونداي-اق شىمكەنت قالاسىنىڭ ەرٸكتٸلەرٸ اۋىل تۇرعىندارىنا كٶمەكتەسٸپ جاتىر.
