19 تامىزدا تاشكەنت قالاسىندا (ٶزبەكستان) شانحاي ىنتىماقتاستىق ۇيىمىنا قاتىسۋشى ەلدەردٸڭ ەيەلدەر فورۋمى ٶتتٸ, دەپ حابارلايدى "ۇلت اقپارات".
فورۋمنىڭ نەگٸزگٸ ماقساتى – گەندەرلٸك تەڭدٸكتٸ قامتاماسىز ەتۋ, ەيەلدەردٸڭ قۇقىقتارى مەن مٷمكٸندٸكتەرٸن كەڭەيتۋ, سونداي-اق ورنىقتى دامۋ باسىمدىقتارىنا قول جەتكٸزۋگە بايلانىستى فورۋمعا مٷشە ەلدەردٸڭ ٶزارا ٸس-قيمىلىن نىعايتۋ بويىنشا شىۇ مەملەكەتتەرٸنٸڭ ٶزارا ٸس-قيمىلىن ودان ەرٸ دامىتۋ.
فورۋمدى ەل ٷكٸمەتٸ, شىۇ حالىق ديپلوماتيياسى ورتالىعى جەنە ٶزبەكستان رەسپۋبليكاسىنىڭ وتباسى جەنە ەيەلدەر ٸستەرٸ جٶنٸندەگٸ مەملەكەتتٸك كوميتەتٸ ۇيىمداستىردى.
قازاقستاندىق دەلەگاتسييا قۇرامىنا قر پارلامەنتٸ, قر پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا ٶكٸلدەرٸ كٸردٸ.
فورۋمنىڭ اشىلۋىندا قر پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ تٶرايىمى, قر پرەزيدەنتٸ ەكٸمشٸلٸگٸ باسشىسىنىڭ ورىنباسارى ايدا بالاەۆا قۇتتىقتاۋ سٶز سٶيلەدٸ.
ٶز سٶزٸندە ا.بالاەۆا بٷگٸندە شىۇ كەڭٸستٸگٸندەگٸ ەلدەردٸڭ تابىستى دامۋى ەيەلدەردٸڭ كٶپ جاعدايدا مەملەكەتتەردٸڭ ەلەۋمەتتٸك-ەكونوميكالىق جەنە قوعامدىق-ساياسي ٶمٸرٸنٸڭ تٷرلٸ سالالارىنا قوسقان جاسامپاز ٷلەسٸنە بايلانىستى ەكەنٸن اتاپ ٶتتٸ.
«بۇل شىۇ-عا مٷشە ەلدەردٸڭ بۇۇ-نىڭ ورنىقتى دامۋ, پەرمەندٸ گەندەرلٸك تەڭدٸكتٸ قامتاماسىز ەتۋ سالاسىنداعى ماقساتتارىنا بەيٸلدٸلٸگٸن جەنە ولاردىڭ ەكونوميكا مەن بيلٸكتەگٸ, شەشٸمدەر قابىلداۋ ٷدەرٸستەرٸندەگٸ ەيەلدەردٸڭ رٶلٸن ارتتىرۋعا ۇمتىلىسىن ايقىن كٶرسەتەدٸ», - دەپ اتاپ ٶتتٸ ۇلتتىق كوميسسييا باسشىسى.
قازاقستاندىق دەلەگاتسييانىڭ باسشىسى اسەان, ەىدۇ سيياقتى سەرٸكتەس ۇيىمداردىڭ الاڭدارىندا ەيەلدەردٸڭ قۇقىقتارى مەن مٷمكٸندٸكتەرٸن ٸلگەرٸلەتۋ مەسەلەلەرٸ بويىنشا شىۇ ەلدەرٸنٸڭ ٷكٸمەتتٸك, ٸسكەرلٸك جەنە عىلىمي توپتارىنىڭ بٸرلەسكەن ٸس-قيمىلدارىن دامىتۋدى ۇسىندى.
سونداي-اق, شىۇ حاتشىلىعىنىڭ نازارى شىۇ-نىڭ وسى باعىتتاعى ىنتىماقتاستىق جٶنٸندەگٸ قوسالقى قۇرىلىمىنىڭ ٸرگەتاسىن قالاۋ ماقساتىندا بۇۇ-نىڭ ەيەلدەر جاعدايى جٶنٸندەگٸ كوميسسيياسى جۇمىسىنىڭ ەدٸستەرٸن زەرتتەۋدٸڭ ماڭىزدىلىعىنا اۋدارىلدى.
سٶز سوڭىندا ا.بالاەۆا فورۋم قورىتىندىسى شىۇ ەلدەرٸنە ەيەلدەر مەن قىزدارعا قاتىستى زورلىق-زومبىلىققا قارسى كٷرەس, ەيەلدەر باستامالارىن ٸلگەرٸلەتۋ جەنە ۇيىمنىڭ قىزمەتٸنە ەيەلدەردٸڭ قاتىسۋىن كەڭەيتۋ بويىنشا تابىستى تەجٸريبەمەن جەنە ٷزدٸك تەجٸريبەلەرمەن الماسۋعا مٷمكٸندٸك بەرەتٸنٸنە سەنٸم بٸلدٸردٸ.
قازاقستاندىق دەلەگاتسييا مٷشەلەرٸ فورۋمنىڭ پلەنارلىق جەنە سەكتسييالىق الاڭدارىنا بەلسەندٸ قاتىستى.
قر پرەزيدەنتٸ جانىنداعى ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييانىڭ ورىنباسارى, پارلامەنت سەناتىنىڭ دەپۋتاتى لەززات سٷلەيمەن «ەيەلدەردٸڭ قوعامدىق-ساياسي ٶمٸردە ماڭىزدى رٶل اتقاراتىن شەشٸمدەر قابىلداۋعا قاتىسۋى» تاقىرىبىندا بايانداما جاساپ, «پاندەمييا سىن-تەگەۋرٸندەرٸن ەڭسەرۋدەگٸ گەندەرلٸك ٷلەس» سەسسيياسىن مودەراتسييالادى.
سونىمەن قاتار, فورۋمعا قازاقستاندىق QazVac ۆاكتسيناسىن ەزٸرلەۋشٸ, «بيولوگييالىق قاۋٸپسٸزدٸك پروبلەمالارىنىڭ عىلىمي-زەرتتەۋ ينستيتۋتى» رمك باس ديرەكتورى كٷنسۇلۋ زاكارييا قاتىستى.
ول حالىقارالىق الاڭعا قاتىسۋشىلارعا قازاقستاننىڭ QazVac ۆاكتسيناسىن ەزٸرلەۋ تەجٸريبەسٸ جەنە وسى سالاداعى عىلىمي قىزمەتتٸڭ باسىم باعىتتارى تۋرالى ايتىپ بەردٸ.
فورۋمعا شىۇ-عا مٷشە ەلدەردٸڭ گەندەرلٸك مەسەلەلەر جٶنٸندەگٸ مەملەكەتتٸك ورگاندارىنىڭ باسشىلارى (رەسمي دەلەگاتسييالاردىڭ باسشىلارى), دەپۋتاتتار, ساياسي جەنە قوعام قايراتكەرلەرٸ, حالىقارالىق ازاماتتىق قوعام ينستيتۋتتارىنىڭ ٶكٸلدەرٸ, ساراپشىلار, عالىمدار, باق ٶكٸلدەرٸ قاتىستى.
فورۋم قورىتىندىسى بويىنشا تاشكەنت كومميۋنيكەسٸ قابىلداندى.
