19 tamyzda Tashkent qalasynda (Ózbekstan) Shanhai Yntymaqtastyq Uiymyna qatysýshy elderdiń áielder forýmy ótti, dep habarlaidy "Ult aqparat".
Forýmnyń negizgi maqsaty – genderlik teńdikti qamtamasyz etý, áielderdiń quqyqtary men múmkindikterin keńeitý, sondai-aq ornyqty damý basymdyqtaryna qol jetkizýge bailanysty Forýmǵa múshe elderdiń ózara is-qimylyn nyǵaitý boiynsha ShYU memleketteriniń ózara is-qimylyn odan ári damytý.
Forýmdy el Úkimeti, ShYU halyq diplomatiiasy ortalyǵy jáne Ózbekstan Respýblikasynyń Otbasy jáne áielder isteri jónindegi memlekettik komiteti uiymdastyrdy.
Qazaqstandyq delegatsiia quramyna QR Parlamenti, QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiia ókilderi kirdi.
Forýmnyń ashylýynda QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń tóraiymy, QR Prezidenti Ákimshiligi Basshysynyń orynbasary Aida Balaeva quttyqtaý sóz sóiledi.
Óz sózinde A.Balaeva búginde ShYU keńistigindegi elderdiń tabysty damýy áielderdiń kóp jaǵdaida memleketterdiń áleýmettik-ekonomikalyq jáne qoǵamdyq-saiasi ómiriniń túrli salalaryna qosqan jasampaz úlesine bailanysty ekenin atap ótti.
«Bul ShYU-ǵa múshe elderdiń BUU-nyń Ornyqty damý, pármendi genderlik teńdikti qamtamasyz etý salasyndaǵy maqsattaryna beiildiligin jáne olardyń ekonomika men biliktegi, sheshimder qabyldaý úderisterindegi áielderdiń rólin arttyrýǵa umtylysyn aiqyn kórsetedi», - dep atap ótti Ulttyq komissiia basshysy.
Qazaqstandyq delegatsiianyń basshysy ASEAN, EYDU siiaqty seriktes uiymdardyń alańdarynda áielderdiń quqyqtary men múmkindikterin ilgeriletý máseleleri boiynsha ShYU elderiniń úkimettik, iskerlik jáne ǵylymi toptarynyń birlesken is-qimyldaryn damytýdy usyndy.
Sondai-aq, ShYU Hatshylyǵynyń nazary ShYU-nyń osy baǵyttaǵy yntymaqtastyq jónindegi qosalqy qurylymynyń irgetasyn qalaý maqsatynda BUU-nyń Áielder jaǵdaiy jónindegi komissiiasy jumysynyń ádisterin zertteýdiń mańyzdylyǵyna aýdaryldy.
Sóz sońynda A.Balaeva forým qorytyndysy ShYU elderine áielder men qyzdarǵa qatysty zorlyq-zombylyqqa qarsy kúres, áielder bastamalaryn ilgeriletý jáne uiymnyń qyzmetine áielderdiń qatysýyn keńeitý boiynsha tabysty tájiribemen jáne úzdik tájiribelermen almasýǵa múmkindik beretinine senim bildirdi.
Qazaqstandyq delegatsiia músheleri forýmnyń plenarlyq jáne sektsiialyq alańdaryna belsendi qatysty.
QR Prezidenti janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń orynbasary, Parlament Senatynyń depýtaty Lázzat Súleimen «Áielderdiń qoǵamdyq-saiasi ómirde mańyzdy ról atqaratyn sheshimder qabyldaýǵa qatysýy» taqyrybynda baiandama jasap, «Pandemiia syn-tegeýrinderin eńserýdegi genderlik úles» sessiiasyn moderatsiialady.
Sonymen qatar, Forýmǵa qazaqstandyq QazVac vaktsinasyn ázirleýshi, «Biologiialyq qaýipsizdik problemalarynyń ǵylymi-zertteý institýty» RMK bas direktory Kúnsulý Zakariia qatysty.
Ol halyqaralyq alańǵa qatysýshylarǵa Qazaqstannyń QazVac vaktsinasyn ázirleý tájiribesi jáne osy saladaǵy ǵylymi qyzmettiń basym baǵyttary týraly aityp berdi.
Forýmǵa ShYU-ǵa múshe elderdiń genderlik máseleler jónindegi memlekettik organdarynyń basshylary (resmi delegatsiialardyń basshylary), depýtattar, saiasi jáne qoǵam qairatkerleri, halyqaralyq azamattyq qoǵam institýttarynyń ókilderi, sarapshylar, ǵalymdar, BAQ ókilderi qatysty.
Forým qorytyndysy boiynsha Tashkent Kommiýnikesi qabyldandy.
