ەلەمدٸ ارالاپ, ەل مەن جەر كٶرۋ — بٷگٸنگٸ كٶزٸ اشىق كەز كەلگەن ازاماتتىڭ ماقساتى. ەسٸرەسە تاريحى مەن مەدەنيەتٸ بٸر-بٸرٸمەن استاسىپ جاتقان تٷركٸ مەملەكەتتەرٸ ٶكٸلدەرٸنٸڭ باسىن قوساتىن جيىندار, كٶرمەلەر مەن كونفەرەنتسييالار, تٷرلٸ جوبالار ۇيىمداستىرىلاتىنى قۋانتادى. ونىڭ باۋىرلاس ەلدەر اراسىنداعى قارىم-قاتىناستىڭ ارتۋىنا دا, مەدەنيەتٸمٸزدٸڭ دامۋىنا دا ەسەرٸ مول. سونداي جوبالاردىڭ بٸرٸ – بٸز تٷركٸتٸلدەس جۋرناليستەر قورىنىڭ اتىنان اتتانعان ستامبۇل-كايسەري-يوزگات-كىرشەھير-نەۆشاھير باعىتىنداعى ساپار.
تٷركيياعا العاش رەت كەلٸپ تۇرعانمەن, بۇرىننان وسى جەردە جٷرگەن ادامداي ٶزٸمدٸ ەركٸن سەزٸندٸم, ەش جاتىرقامادىم. وعان سەبەپ — وسى جوبانى ۇيىمداستىرۋشىلاردىڭ قوناقجايلىعى مەن قۇراق ۇشىپ بٸر تىنباي قىزمەت ەتۋٸ. بٸز ماۋسىمنىڭ 11-ٸنەن 12-سٸنە قاراعان تٷنٸ ىستامبۇلعا, ودان ەرٸ كايسەريگە ۇشتىق. گيدٸمٸز مۇستافا يالچىنكايا مەن ەل تۋريزمٸنە جاۋاپتى مينيسترلٸك ٶكٸلدەرٸ تاڭەرتەڭ كايسەريدەن كٷتٸپ العاننان تٷنجارىمعا دەيٸن قاسىمىزدا بولدى. بٸزبەن بٸرگە ٶزبەكستان, تٷركٸمەنستان, گرۋزييا, سەربييا, بولگارييا مەملەكەتتەرٸڭ باق ٶكٸلدەرٸ دە كايسەريدەگٸ تاريحي ورىنداردى ارالاپ, ٶزدەرٸنە ورتاق مەدەني مۇرالاردى كٶرٸپ, رۋحاني ازىق الدى.
ەۋەلٸ وسىنداعى 6000 جىلدىق تاريحتى, ٶركەنيەتتٸ ساقتاپ تۇرعان ارحەولوگييالييالىق مۋزەيگە باردىق.
وندا اسسيرييا ساۋدا كولونييالارىنىڭ دەۋٸرٸنە جاتاتىن دٶڭگەلەك قۇمىرالار, مەتالل بۇيىمدارى, قولدان قاشاپ جاسالعان تٷرلٸ مٷسٸندەر ت.ب. كٶنە جەدٸگەرلەر سول كٷيٸ ساقتالىپتى. قازاقستاننان تابىلعان بالبال تاستارعا ۇقساس جاسالعان مٷسٸندەر بٸردەن كٶزٸمٸزگە وتتاي باسىلدى. مٸنە, وسىنداي ەسكٸ مۇرالار تاريحىمىزدىڭ قانشالىقتى تەرەڭدە جاتقانىن جەنە قازاق پەن تٷرٸكتٸڭ بٸر-بٸرٸنە قانشالىقتى جاقىن ەكەنٸن سٶزسٸز دەلەلدەپ تۇر.
كەزٸندە گەۆحەر نەسيبە اۋرۋحاناسى بولعان ەسكٸ عيماراتقا دا باس سۇقتىق. وندا دا بٸزدەگٸ ارحەولوگييالىق جۇمىستاردان تابىلعان تٷرلٸ ىدىستارعا ۇقساس تەرەلكەدەن باستاپ, ەر تٷرلٸ پٸشٸندەگٸ قازاندار, شەينەكتەر مەن كەسەلەر كٶزدٸڭ جاۋىن الىپ تۇر. بٸر قىزىعى, قانشا عاسىر ٶتسە دە بوياۋى كەتپەگەن ىدىستاردىڭ كٶپتٸگٸ تاڭعالدىردى.
ٷشٸنشٸ ايالدامامىز ەۋليە سۋرب لۋساۆوريچتٸڭ اتىمەن اتالاتىن ارميان شٸركەۋٸ بولدى. ينتەرەرٸ گەومەترييالىق جەنە گٷلدٸ ٶرنەكتەرمەن كٶمكەرٸلگەن شٸركەۋ دە كٶنە دەۋٸردەن سىر شەرتەدٸ.
سونىمەن قاتار, تٷرٸكتٸڭ باي اسحاناسىنان دەم تاتىپ, كٶل-كٶسٸر جايىلعان داستارقاننىڭ بەرەكەسٸن سەزٸنٸپ بٸرٸنشٸ كٷنٸمٸزدٸ اياقتادىق. بۇل پرەسس-تۋردىڭ العاشقى كٷنٸ عانا. الدا ەلٸ قىزىققا, عيبراتقا تولى تٶرت كٷر بار. ەر ەلدەن كەلگەن جۋرناليستەر كايسەريدەن بٶلەك, تٷركييانىڭ يوزگات, كيرشەھير, نەۆشەھير قالالارىنداعى تاريحي, مەدەني جەنە كٶرٸكتٸ جەرلەردٸ ارالايدى.
نۇربولات جاڭابەرگەن, ايبىن قۇسانبەك
