فوتو: pexels.com
حالىقارالىق كينولوگييالىق فەدەراتسييا (FCI) تازىنى الدىن الا رەسمي تۇقىم رەتٸندە تانىپ, قازاقستاننىڭ تۇقىم ستاندارتىنىڭ يەسٸ رەتٸندەگٸ مەرتەبەسٸن بەكٸتتٸ, دەپ حابارلايدى "ۇلت اقپارات" فەدەراتسيياعا سٸلتەمە جاساپ.
قازاقستان رەسپۋبليكاسى پرەزيدەنتٸ ٸس باسقارماسىنىڭ سايتىندا شەشٸمدٸ FCI باس كوميتەتٸ قابىلداعانى جەنە بۇل تازىنى قازاق تۇقىمى رەتٸندە حالىقارالىق دەڭگەيدە تولىق تانۋعا دەيٸنگٸ نەگٸزگٸ ەرٸ سوڭعى كەزەڭ ەكەنٸ ناقتىلانادى.
"بٷگٸن سٸزدەردٸڭ ەل جەنە بٸز ٷشٸن تاريحي كٷن. FCI ستاندارتتار كوميسسيياسى مەن FCI عىلىمي كوميسسيياسى ۇزاق پروتسەدۋرادان كەيٸن تۇقىمدى قابىلداۋدى باس كوميتەتكە ۇسىندى. قۇتتىقتايمىن! الدا سٸزدٸ 10 جىلدىق جۇمىس كٷتٸپ تۇر. وسى ۋاقىت ٸشٸندە FCI عىلىمي كوميسسيياسى تالاپ ەتەتٸن تۇقىم بويىنشا دەنساۋلىق سىناقتارى, تٸركەلگەن كٷشٸكتەر تۋرالى ستاتيستيكا جەنە باسقا دا مەلٸمەتتەر جينالۋى كەرەك. يتتەردٸڭ دەنساۋلىعى مەن ەل-اۋقاتى قازٸرگٸ ۋاقىتتا ەڭ ماڭىزدى مەسەلەلەردٸڭ بٸرٸ. FCI قازاقستانداعى تۇقىمنىڭ جٷيەلٸ دامۋىن قاداعالايتىن بولادى", – دەدٸ FCI پرەزيدەنتٸ تاماش ياككەل, باس كوميتەتتٸڭ شەشٸمٸن تٷسٸندٸرە وتىرىپ.
قازاق يت تۇقىمدارىن ساقتاۋ جەنە ولاردىڭ حالىقارالىق دەڭگەيدە مويىندالۋى مەسەلەسٸ 2022 جىلدان باستاپ مەملەكەت باسشىسى قاسىم-جومارت توقاەۆتىڭ تاپسىرماسى بويىنشا قر پرەزيدەنتٸ ٸس باسقارماسىنىڭ قامقورلىعىندا.
ٶكٸلەتتٸ ورگان رەتٸندە ەكولوگييا جەنە تابيعي رەسۋرستار مينيسترلٸگٸ بەلگٸلەنگەنٸن ۆەدومستۆو ەسكە سالدى.
"كەيٸنگٸ ەكٸ جىلدا اۋقىمدى جۇمىستار جٷرگٸزٸلدٸ: تيٸستٸ زاڭدارعا ٶزگەرٸستەر ەنگٸزٸلدٸ, تازىنىڭ ستاندارتى بەكٸتٸلدٸ, عىلىمي زەرتتەۋلەر, اسىل تۇقىمدى قاراۋلار مەن كٶرمەلەر ٶتكٸزٸلدٸ", – دەلٸنگەن جارييالانىمدا.
تۇقىمداردى تٸركەۋ (تانۋ) تەك حالىقارالىق كينولوگييالىق فەدەراتسييادا (FCI) تولىققاندى مٷشەلٸگٸ بار ۇلتتىق كينولوگييالىق ۇيىمدار ارقىلى جٷزەگە اسىرىلادى.
