جاقىندا جامبىل وبلىسىنداعى «تاراز سۋ» مەملەكەتتٸك كوممۋنالدىق كەسٸپورنىندا تسيفرلاندىرىلعان جاڭا ورتالىق اشىلدى. «تسيفرلىق قازاقستان» مەملەكەتتٸك باعدارلاماسىنىڭ اياسىندا اشىلعان بۇل ورتالىق حالىققا كٶرسەتٸلەتٸن قىزمەت ساپاسىن ارتتىرۋعا ىقپال ەتەدٸ.
«ادامدارعا بۇدان بىلاي ۇزىن-سونار كەزەككە تۇرۋدىڭ قاجەتٸ بولمايدى. ٶيتكەنٸ, مۇندا ەلەكتروندى كەزەك تەرمينالدارى ورناتىلعان. بۇعان قوسا, ٷيدەن شىقپاي-اق, ەسەپ-شوتتاردى تٶلەۋگە, قاجەتتٸ ساۋالداردى شەشۋگە بولادى. ال ەگەر قاجەت دەپ تاپسا, وپەراتسييالىق زالعا كەلٸپ, مامانداردىڭ كٶمەگٸنە جٷگٸنسە بولادى», – دەيدٸ «تاراز سۋ» كوممۋنالدىق كەسٸپورنى ديرەكتورىنىڭ ورىنباسارى گٷلميرا توقاەۆا.
ونىڭ سٶزٸنشە, سىبايلاس جەمقورلىقتىڭ الدىن الۋ ٷشٸن وسىنداي ەلەكتروندىق ورتالىقتاردى اشقان ابزال. مۇندا بٸر تەۋلٸك ٸشٸندە مىڭداعان ازاماتقا قىزمەت كٶرسەتۋگە مٷمكٸندٸك بار.
ٶڭٸردە بىلتىرعى جىلى قالالىق سۋمەن قامتۋ جٷيەسٸ اۆتوماتتاندىرىلسا, جۋىردا «اقىلدى كۆارتال» جوباسى ەنگٸزٸلەدٸ دەپ كٷتٸلۋدە. جوسپارعا سەيكەس, تارازداعى 315 كٶپقاباتتى تۇرعىن ٷي «ە-شاڭىراق» اقپاراتتىق جٷيەسٸنە قوسىلاتىن بولادى. بۇعان قوسا, كوممۋنالدىق تٶلەمدەردٸڭ بٸرىڭعاي ەسەپ ايىرىسۋ ورتالىعى دا بوي كٶتەرمەك.
جامبىل وبلىسىندا «تسيفرلىق قازاقستان» مەملەكەتتٸك باعدارلاماسى بەلسەندٸ تٷردە جٷزەگە اسىرىلىپ جاتىر. ونىڭ اياسىندا «سمارت تاراز» جوباسى جاسالۋ ٷستٸندە. ول ٶز كەزەگٸندە 20 جوبانى ٶزٸنە بٸرٸكتٸرگەن. بۇل جوبالاردىڭ قاتارىنا: بٸلٸم, دەنساۋلىق ساقتاۋ, تكش (تۇرعىن ٷي-كوممۋنالدىق شارۋاشىلىعى), ترانسپورت, اگروٶنەركەسٸپ كەشەنٸ جەنە قاۋٸپسٸزدٸك سالالارى كٸرەدٸ.
ايتا كەتسەك, ايماقتاعى جەرگٸلٸكتٸ حالىقتىڭ 99 پايىزى ينتەرنەتپەن قامتاماسىز ەتٸلگەن. ياعني, ٶڭٸردە 378 ەلدٸمەكەن بولسا, سونىڭ 347-سٸ ينتەرنەتپەن جابدىقتالعان. ەندٸگٸ كەزەكتە ينتەرنەت جىلدامدىعىن ودان ەرٸ ارتتىرۋ باعىتىندا بٸرقاتار جۇمىستار اتقارىلۋدا.
