تاراز قالاسىندا كٶپقاباتتى ٷيدە ورىن العان جارىلىستان زارداپ شەككەندەرگە وبلىستىق ەكٸمدٸك تاراپىنان تيٸستٸ كٶمەك كٶرسەتٸلۋدە. تٶتەنشە جاعدايدان قازا تاپقاندار سانى 3 ادامعا جەتتٸ, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
بۇدان بۇرىن حابارلاعانىمىزداي, بٷگٸن تاڭعى ساعات 06:21-دە تاراز قالاسى №9 «مىڭبۇلاق» ىقشاماۋدانىنداعى 62-ٷيدە جارىلىس بولىپ, كٶپقاباتتى ٷيدٸڭ بٸر بٶلٸگٸنٸڭ 1-3 قاباتتارى قۇلاعان ەدٸ.
«وقىس وقيعا 2-قاباتتاعى 49-شى پەتەردە ورىن العان. الدىن الا بولجام بويىنشا, جارىلىس گاز جابدىقتارىن ابايسىز پايدالانۋدان ورىن العان. وقيعاعا بايلانىستى قاجەتتٸ ماماندار مەن تەحنيكا جۇمىلدىرىلدى. ٷيدٸڭ بارلىق تۇرعىندارى تولىعىمەن قاۋٸپسٸز جەرگە كٶشٸرٸلدٸ. 8 ادام زارداپ شەگٸپ, 3 تۇرعىن قازا تاپقان» دەلٸنگەن وبلىس ەكٸمٸ باسپاسٶز قىزمەتٸنٸڭ حابارلاماسىندا.
قازٸرگٸ كەزدە وبلىس ەكٸمدٸگٸنٸڭ قولداۋىمەن زارداپ شەگۋشٸلەر بارلىق قاجەتتٸ كٶمەكتٸ الىپ وتىر. اتاپ ايتساق, اپات بولعان ٷيدٸڭ 100-دەن استام تۇرعىنىنا №47 مەكتەپتە ىستىق تاماق بەرٸلٸپ, پسيحولوگييالىق-مەديتسينالىق كٶمەك كٶرسەتٸلٸپ جاتىر. سونداي-اق, زارداپ شەگۋشٸلەر قالاداعى № 13 «بەيتەرەك» مٶلتەكاۋدانىنداعى كٶپقاباتتى ٷيدەگٸ بوس پەتەرلەرگە ۋاقىتشا جايعاستىرىلۋدا. ولاردىڭ جاعدايى تۇراقتى باقىلاۋدا بولادى.
تٶتەنشە جاعدايعا بايلانىستى وبلىس ەكٸمٸنٸڭ بٸرٸنشٸ ورىنباسارى بەكبولات ورىنبەكوۆتىڭ تٶراعالىعىمەن وبلىستىق جەدەل شتاب قۇرىلدى. سونداي-اق, +7-7262-513575 نٶمٸرٸ بويىنشا جەدەل جەلٸ جۇمىس ٸستەپ تۇر.
بٷگٸندە تاراز قالاسىندا نىساندىق تٶتەنشە جاعداي جارييالاندى. جالپى بۇل باعىتتا الدىن الا ساقتىق شارالارى رەتٸندە قالا بيۋدجەتٸنەن 91,5 ميلليون تەڭگە قاراستىلعان. اتالعان وقيعاعا بايلانىستى ناقتى شىعىندارعا تالداۋ جاسالادى. قاجەت بولعان جاعدايدا, وبلىستىق قازىنادان دا قارجى بٶلٸنبەك.
ايتا كەتۋ كەرەك, وسى تٶتەنشە جاعداي تۋرالى قر پرەمەر-مينيسترٸ اسقار مامين شۇعىل تٷردە قازاقستان پرەزيدەنتٸ نۇرسۇلتان نازارباەۆقا بايانداعان بولاتىن. مەملەكەت باسشىسىنىڭ تاپسىرماسى بويىنشا قر پرەمەر-مينيسترٸنٸڭ ورىنباسارى ج.قاسىمبەكتٸڭ تٶراعالىعىمەن ٷكٸمەت كوميسسيياسى قۇرىلدى. كوميسسييا مٷشەلەرٸ مەن استانا قالاسىندا ٸسساپاردا جٷرگەن وبلىس ەكٸمٸ اسقار مىرزاحمەتوۆ تاراز قالاسىنا شۇعىل ۇشىپ كەلٸپ, وقيعا ورنىنا باردى. بولعان جاعدايمەن جان-جاقتى تانىسىپ, جاپا شەككەندەردٸڭ حال-جاعدايىن بٸلٸپ, قازا بولعانداردىڭ جاقىندارىنا كٶڭٸل ايتتى.
