تاراز قالاسىنداعى وبلىستىق پەريناتالدىق ورتالىقتان ٷيٸنە شىققان ٷشەمنٸڭ اتا-اناسىن تۋىستارى, شەنەۋنٸكتەر مەن جۋرناليستەر قۇتتىقتادى, دەپ حابارلايدى قازاقپارات.
19 شٸلدەدە جامبىل اۋدانىنا قاراستى بەكتٶبە اۋىلىنىڭ 34 جاسار تۇرعىنى ەلۆيرا قوجاگەلديەۆا سالماعى 2 594, 2 125 جەنە 1 858 گرامم ٷش ۇلدى دٷنيەگە ەكەلدٸ. انالارى ٷشەمدٸ 34 اپتالىق مەرزٸمدە كەسار تٸلٸگٸ ارقىلى بوساندى. ەلۆيرا مەن كٷيەۋٸ سەبيلەرگە يسلام, مارعۇلان جەنە اسلان دەپ ات قويدى. «پەرزەنتحانادان شىعاتىن كٷنگە دەيٸن جاس بوسانعان انا مەن سەبيلەر جامبىل وبلىستىق پەريناتالدىق ورتالىقتىڭ دەرٸگەرلەرٸنٸڭ باقىلاۋىندا بولدى», دەپ حابارلادى وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
«مەن تارازداعى №20 ورتا مەكتەپتە قازاق تٸلٸ پەنٸنٸڭ مۇعالٸمٸ بولىپ جۇمىس ٸستەيمٸن. جولداسىم باقىتجان جيدەباي «بينوم» جشس-دا كرانشى بولىپ قىزمەت ەتەدٸ. بۇل مەنٸڭ تٶرتٸنشٸ رەت بالا كٶتەرۋٸم, ەكٸ قىزىم مەن بٸر ۇلىم ٶسٸپ كەلەدٸ. ال ەندٸ اللا تاعى دا ٷش ۇل سىيلادى», - دەيدٸ جاس بوسانعان انا.
بۇل كٷنٸ باقىتتى انانى قۇتتىقتاۋ ٷشٸن كٶپتەگەن تۋعان تۋىستارى, اياعى اۋىر كەزٸندە باقىلاۋىندا بولعان «Almaz medical group» جشس جامبىلداعى فيليالىنىڭ قىزمەتكەرلەرٸ كەلٸپ, وتباسىعا ٷش بالا ارباسى مەن كيٸمدەر سىيلادى.
جامبىل اۋدانى ەكٸمٸنٸڭ ورىنباسارى ٷمٸتكەن نايمانوۆا ٶتكەن جىلى جامبىل اۋدانىنا قاراستى جاسٶركەن اۋىلىندا دا دەل وسىلاي ٷشەم دٷنيەگە كەلگەنٸن ايتتى.
وبلىستىق پەريناتالدىق ورتالىقتىڭ باس دەرٸگەرٸ ايگٷل ايتپاەۆانىڭ ايتۋىنشا, جىل باسىنان بەرٸ ورتالىقتا 3 296 بالا دٷنيەگە كەلگەن, ولاردىڭ 86 – ەگٸز. بۇل – بيىلعى جىلى تۋعان العاشقى ٷشەم, ٶتكەن جىلدىڭ ۇقساس مەرزٸمٸندە ەكٸ ٷشەم دٷنيەگە كەلگەن.
