تارازدا ٷيٸنە قايتۋعا ەكٸ اي قالعان ۇلتتىق ۇلاننىڭ ساربازى اسۋلى كٷيٸندە تابىلدى, دەپ حابارلايدى "ۇلت اقپارات".
55/13 ەسكەري بٶلٸمٸندە سارباز بولات باتىرحاننىڭ دەنەسٸ ەسكەري بٶلٸمدەگٸ ەكٸ عيمارات قۋىسىنداعى بيٸك تەمٸرگە اسىلىپ قالعان. اقتٶبەلٸك جاۋىنگەردٸڭ ٷيٸنە ورالۋىنا نەبەرٸ ەكٸ اي قالعان ەكەن.
«وقيعا تەكسەرٸلٸپ جاتىر. مەن-جايدى انىقتايتىن بولامىز. ەڭ سوڭعى شەشٸم تەرگەۋ اياقتالعاندا بەلگٸلٸ بولادى», - دەدٸ قر ۇلتتىق ۇلانى «وڭتٷستٸك» ٶڭٸرلٸك قولباسشىسىنىڭ ورىنباسارى نييازتاي ەلكەشوۆ.
«دەنەسٸندە بٸردە-بٸر سوققىنىڭ ٸزٸ جوق», - دەگەن ەسكەريلەر بولات باتىرحاننىڭ ٷزدٸك سارباز بولعاندىعىن ايتادى. ونىڭ سۋرەتٸ ماقتاۋلى جاۋىنگەرلەردٸڭ قاتارىنان تٷسپەگەن.
ايتا كەتەيٸك, وسى ەسكەري بٶلٸمدە بۇعان دەيٸن دە قايعىلى جاعداي تٸركەلگەن ەدٸ. ٷش جىل بۇرىن پراپورششيك قارۋ-جاراق قويماسىندا ٶزٸنٸڭ تابەلدٸك تاپانشاسىمەن اتىلىپ, كٶز جۇمعان بولاتىن.
