Tarazda úiine qaitýǵa eki ai qalǵan Ulttyq ulannyń sarbazy asýly kúiinde tabyldy, dep habarlaidy "Ult aqparat".
55/13 áskeri bóliminde sarbaz Bolat Batyrhannyń denesi áskeri bólimdegi eki ǵimarat qýysyndaǵy biik temirge asylyp qalǵan. Aqtóbelik jaýyngerdiń úiine oralýyna nebári eki ai qalǵan eken.
«Oqiǵa tekserilip jatyr. Mán-jaidy anyqtaityn bolamyz. Eń sońǵy sheshim tergeý aiaqtalǵanda belgili bolady», - dedi QR Ulttyq ulany «Ońtústik» óńirlik qolbasshysynyń orynbasary Niiaztai Álkeshov.
«Denesinde birde-bir soqqynyń izi joq», - degen áskeriler Bolat Batyrhannyń úzdik sarbaz bolǵandyǵyn aitady. Onyń sýreti maqtaýly jaýyngerlerdiń qatarynan túspegen.
Aita keteiik, osy áskeri bólimde buǵan deiin de qaiǵyly jaǵdai tirkelgen edi. Úsh jyl buryn praporshik qarý-jaraq qoimasynda óziniń tabeldik tapanshasymen atylyp, kóz jumǵan bolatyn.
