تاراز قالاسىندا وسىدان بەس جىل بۇرىن اسا قاۋٸپتٸ قىلمىسكەردٸ ۇستاۋ بارىسىندا اۋىر جاراقات العان پوليتسەي بەكجان تٸلەنشيەۆ ۇزاق ناۋقاستان قايتىس بولدى, دەپ حابارلايدى "ۇلت اقپارات".
تاراز قالالىق ٸٸب جول-پاترۋلدەۋ پوليتسيياسى باتالونىنىڭ پوليتسەيٸ, سەرجانت بەكجان تٸلەنشيەۆ 32 جاسقا قاراعان شاعىندا قايتىس بولدى.
تەرتٸپ ساقشىسى 5 جىل بۇرىن قاۋٸپتٸ قىلمىسكەردٸ ۇستاۋ كەزٸندە اۋىر جاراقات العان ەدٸ. بۇل تۋرالى جامبىل وبلىسى پوليتسييا دەپارتامەنتٸنٸڭ باسپاسٶز قىزمەتٸ حابارلادى.
«بەكجان تٸلەنشيەۆ 1989 جىلى 22 قازاندا جامبىل وبلىسى جۋالى اۋدانى شاقپاق اتا اۋىلىندا دٷنيەگە كەلگەن. 2010 جىلى الماتى مەملەكەتتٸك بيزنەس كوللەدجٸن اياقتاعان سوڭ قازاقستان قارۋلى كٷشتەرٸنٸڭ قاتارىنا شاقىرىلعان. ال 2013 جىلدان باستاپ قۇقىق قورعاۋ ورگاندارىندا قىزمەت ەتە باستاعان. 2016 جىلى 19 ماۋسىم كٷنٸ ول سۋىق قارۋلانعان اسا قاۋٸپتٸ قىلمىسكەردٸ ۇستاۋ كەزٸندە موينى مەن كەۋدەسٸنە وق تيٸپ, اۋىر جاراقات العان», - دەلٸنگەن پد حابارلاماسىندا.
2016 جىلدىڭ 5 جەلتوقسانىندا قازاقستان پرەزيدەنتٸنٸڭ جارلىعىمەن بەكجان تٸلەنشيەۆ «ەرلٸگٸ ٷشٸن» مەدالٸمەن ماراپاتتالدى.
2017 جىلدىڭ سەۋٸر ايىندا ول دەنساۋلىعىنا بايلانىستى ٸشكٸ ٸستەر ورگاندارىنان بوساتىلدى.
بەكجان تٸلەنشيەۆ ۇزاق ۋاقىت بويى ەلٸمٸزدە جەنە شەتەلدە ەمدەلگەن. الايدا بۇعان قاراماستان ونىڭ دەنساۋلىعى جاقسارماعان.
ەرٸپتەسٸنٸڭ قازاسىنا بايلانىستى جامبىل وبلىسى پوليتسييا دەپارتامەنتٸنٸڭ جەكە قۇرامى مەن باسشىلىعى, سونداي-اق ارداگەرلەر كەڭەسٸ ونىڭ وتباسىنا كٶڭٸل ايتتى.
