فوتو: primeminister.kz
جول بويىنداعى سەرۆيس وبەكتٸلەرٸ ستاندارتتارعا ساي كەلمەيدٸ. بۇل تۋرالى بٷگٸن ٷكٸمەت وتىرىسىندا پرەمەر-مينيستر ەليحان سمايىلوۆ ايتتى, دەپ حابارلايدى Kazinform اگەنتتٸگٸ.
«حالىقارالىق جٷك تاسىمالىن جٷزەگە اسىرۋعا رۇقسات بەرەتٸن بلانكٸلەردٸ بٶلۋدە دە پروبلەمالار بار. مۇنداي رۇقساتتاردى بٸز كٶپتەگەن مەملەكەتتەرمەن پاريتەت نەگٸزٸندە الىپ وتىرمىز. وتاندىق جٷك تاسىمالداۋشىلارعا بلانك بەرۋ مەحانيزمٸن قايتا قاراپ, ولارعا ارتىق تالاپ قويماۋ قاجەت», - دەدٸ پرەمەر-مينيستر.
ٷكٸمەت باسشىسى جول بويىنداعى سەرۆيس بويىنشا دا سۇراقتار بار ەكەنٸن ايتتى.
«مەسەلەن, باتىس ەۋروپا – باتىس قىتاي ترانزيتتٸك دەلٸزٸنٸڭ ٸسكە قوسىلعانىنا 5 جىلدان اسسا دا, جول بويىنداعى سەرۆيستٸ ەلٸ كٷنگە دەيٸن دامىتا الماي كەلەمٸز. بۇل تۋرالى بٸرنەشە رەت ايتىلدى, تيٸستٸ تاپسىرمالار بەرٸلدٸ, بٸراق ٶزگەرگەن ەشتەڭە جوق. حالىقارالىق جولدار مەن ٸشكٸ مارشرۋتتاردىڭ بەرٸندە دە وسىنداي جاعداي», - دەدٸ ەليحان سمايىلوۆ.
ونىڭ اتاپ ٶتۋٸنشە, سەرۆيس وبەكتٸلەرٸ ٷشٸن جول بويىنان جەر ۋچاسكەسٸن بەرۋدٸ ەكٸمدٸكتەر سوزىپ جٸبەردٸ.
«وسىعان بايلانىستى, ينفراقۇرىلىمنىڭ دامۋى توقتاپ تۇر. ونىڭ ٷستٸنە, بٸز ۇلتتىق ستاندارتتى باياعىدا قابىلداپ قويدىق. وندا جول بويىنداعى سەرۆيس وبەكتٸلەرٸ مەن كٶرسەتٸلەتٸن قىزمەتتەرگە قويىلاتىن تالاپتار بەلگٸلەنگەن. بۇل قوسىمشا ترانزيت كٶلەمٸن تارتۋعا مٷمكٸندٸك بەرەر ەدٸ. الايدا, سەرۆيس وبەكتٸلەرٸنٸڭ كٶبٸ بٸزدٸڭ ستاندارتقا سەيكەس كەلمەيدٸ», - دەدٸ ٷكٸمەت باسشىسى.
