ەلٸمٸزگە تانىمال تۇلعالار جەنە شەتەلدٸك ەلشٸلٸك قىزمەتكەرلەرٸ اتا-انا قامقورلىعىنان ايىرىلعان سەبيلەردٸڭ تۇساۋىن كەستٸ, دەپ حابارلايدى قازاقپارات تٸلشٸسٸ.
قر ۇلتتىق مۋزەيٸنٸڭ باستاماسىمەن قولعا الىنعان «تۇساۋكەسەر» قايرىمدىلىق جوباسى بيىل تٶرتٸنشٸ رەت ۇيىمداستىرىلىپ وتىر.
«ەلباسى نۇرسۇلتان نازارباەۆ ٶزٸنٸڭ «بولاشاققا باعدار: رۋحاني جاڭعىرۋ» باعدارلاماسىندا تاريحىمىز بەن سالت-دەستٷرٸمٸزدٸ ساقتاپ قانا قويماي, دٷنيە جٷزٸنە كەڭٸنەن ناسيحاتتاۋىمىز كەرەكتٸگٸن ەرەكشە اتاپ ٶتتٸ. ناۋرىز - بٸزدٸڭ تٶل مەرەكەمٸز. بۇل ايتۋلى مەرەكەنٸ جاڭا ٷلگٸدە تويلاۋ تۋرالى ۇسىنىس بٸلدٸرگەن بولاتىنمىن, وندا بٷلدٸرشٸندەرگە باسا نازار اۋدارىلسا دەدٸك. سول سەبەپتٸ تۇساۋكەسەر رەسٸمٸ ۇيىمداستىرىلىپ وتىر. سونىمەن بٸرگە, بٷگٸنگٸ شاراعا بالالار ٷيٸنەن جەنە ەلەۋمەتتٸك جاعدايى تٶمەن وتباسى بالالارى ارنايى شاقىرىلدى, ولارعا سىي-سيياپات بەرٸپ, كٶڭٸلدەرٸن كٶتەرگٸمٸز كەلەدٸ», - دەدٸ قر مەدەنيەت جەنە سپورت مينيسترٸ ارىستانبەك مۇحامەديۇلى «ناۋرىز - جاڭارۋ نىشانى» شوۋ-باعدارلاماسىنىڭ سالتاناتتى اشىلۋىندا.
تۇساۋكەسەر رەسٸمٸنە №2 مامانداندىرىلعان بالالار ٷيٸنەن رامازان نۇرحاتوۆ, ايدىن بەكٸشەۆ, ٸنجۋ بەكٸشەۆا, ماكسيم ترەتياكوۆ, ارىستان بەگالي, ەلجان ابدۋوۆ, ەلٸبەك جامانقۇلوۆ ارنايى كەلدٸ.
ولاردىڭ تۇساۋىن قر مەدەنيەت جەنە سپورت مينيسترٸ ارىستانبەك مۇحامەديۇلى مەن قازاقستانداعى ەو ٶكٸلدٸگٸنٸڭ باسشىسى سۆەن-ولوۆ كارلسسون, قر ۇلتتىق مۋزەيٸ ديرەكتورىنىڭ مٸندەتٸن اتقارۋشى الماز نۇرازحان, «قاسيەتتٸ قازاقستان» عىلىمي زەرتتەۋ ورتالىعىنىڭ باسشىسى بەرٸك ەبدٸعالي, تاريح عىلىمدارىنىڭ دوكتورى, پروفەسسور جامبىل ارتىقباەۆ, ساتيريك كٶپەن ەمٸربەك, قازاقستاننىڭ ەڭبەك سٸڭٸرگەن قايراتكەرٸ, دەستٷرلٸ ەنشٸ ايگٷل قوسانوۆا جەنە شەت مەملەكەتتەردٸڭ قازاقستانداعى ەلشٸلٸك ٶكٸلدەرٸ كەستٸ.
«تۇساۋكەسەر رەسٸمٸ ٷشٸن جىل سايىن ناۋرىز مەرەكەسٸندە ۇلتتىق مۋزەيگە كەلەمٸز. بيىل تٶرتٸنشٸ رەت بالالارىمىزدىڭ تۇساۋى كەسٸلٸپ, جاقسى تٸلەكتەر ايتىلىپ جاتىر. كٶپ جاعدايدا تۇساۋى كەسٸلگەن بالالار جاڭا وتباسىلارىن تابادى. سول ٷشٸن ۇلتتىق مۋزەيدەگٸ ۇيىمداستىرۋشىلارعا العىسىمىز شەكسٸز», - دەدٸ №2 مامانداندىرىلعان بالالار ٷيٸنٸڭ تەربيەشٸسٸ, پسيحولوگ گٷلجان تٶلەسوۆا.
تۇساۋكەسەردەن سوڭ, كونتسەرتتٸك باعدارلاما جالعاسىن تاۋىپ, تەاترلاندىرىلعان قويىلىم, ايتىس ٶنەرٸ, ەن, بي, ارقان تارتىس, كيٸز باسۋ جەنە قولٶنەر بويىنشا شەبەرلٸك ساباقتارى ٶتتٸ.
ايتا كەتەيٸك, 21 ناۋرىز كٷنٸ ۇلتتىق كيٸم كيگەندەر مۋزەيگە تەگٸن كٸرەدٸ. بۇل ٷشٸن ەلەۋمەتتٸك جەلٸدەگٸ (فەيسبۋك - قر ۇلتتىق مۋزەيٸ, ينستاگرام - Nationalmuseumkz, تەلەگرامم - قر ۇلتتىق مۋزەيٸ) ۇلتتىق مۋزەي پاراقشالارىنا تٸركەلٸپ, #ۇلتتىقمۋزەي حەشتەگٸن بەلگٸلەۋ قاجەت.
